ᑕᒪᐅᓀᓐᓇᖅ ᓄᕐᙯᓇᕐᑐᑦ ᒪᓕᒐᑦᓴᖏᑦ
ᑭᖑᓪᓕᐹᒥ ᓄᑕᐅᓯᓕᕐᑕᐅᔪᕕᓃᑦ ᔫᓂ 16, 2020-ᒥ
ᐅᑯᐊ ᒪᓕᒉᑦ ᐱᒍᑦᔭᐅᓂᐊᕐᑐᓄᑦ ᐊᑑᑎᖃᓪᓚᕆᑦᑐᑦ ᖃᓄᐃᓕᖓᓂᐅᒋᐊᓕᓐᓄᓗ ᑕᒫᓂ ᖃᕆᑕᐅᔭᕈᑎᖃᕐᑐᓄᑦ, ᑖᒃᑯᐊ ᐊᓪᓚᓂᐊᕐᑕᐅᓯᒪᑦᓯᐊᕆᐊᖃᕐᑐᑦ ᐱᒍᑦᔭᐅᒍᑎᑦᓴᒥᓂᒃ ᐊᑑᑎᒋᐊᓚᐅᕐᑎᓇᒍ. ᑖᒃᑯᐊ ᒪᓕᒐᖃᕈᑏᑦ ᓀᓪᓕᑎᕐᓯᒪᔫᒻᒪᑕ ᑐᑭᓯᑎᑦᓯᒍᑎᑦᓴᓕᐊᖑᓯᒪᑦᓱᑎᒃ ᓱᓇᒥᑦᓯᐊᑐᓂᒃ ᕿᒥᕐᕈᒍᒪᒍᕕᑦ ᒪᓕᒐᕐᓂᒃ ᖃᓄᐃᓕᖓᓕᐅᒋᐊᓕᓐᓂᓗ ᐅᕗᖓ ᓇᕐᓃᓗᑎᑦ ᖃᐅᔨᒋᐊᕈᓐᓇᑐᑎᑦ: ᑕᒫᓂ-ᖃᕆᑕᐅᔭᑎᒍᑦ-ᐱᑐᑦᓯᒪᖃᑎᒌᑦᑎᓯ.
ᐱᑦᔪᔭᐅᒍᑎᓂᒃ ᓄᕐᖃᑎᑕᐅᑎᑦᓯᓂᖅ
ᓄᕐᖃᑎᑕᐅᑎᑦᓯᒍᒪᒍᓂ ᐱᒍᑦᔭᐅᒍᑎᒥᓂᒃ ᐅᖄᓚᒋᐊᖃᕐᑐᖅ ᖃᕆᑕᐅᔭᒃᑯᓗᓐᓃᑦ ᐊᓪᓚᓗᓂ. ᓄᕐᖃᑎᑕᐅᑎᑦᓯᒍᑏᑦ ᐊᑑᑎᔭᐅᒍᓐᓇᑐᑦ ᐱᑦᔪᔭᐅᒍᑎᖃᕐᑐᒧᑦ ᑭᓯᐊᓂ. ᓄᕐᖃᑎᑕᐅᓂᖓ ᐊᑑᑎᒋᐊᓯᐊᒐᔭᕐᑐᖅ ᐅᓪᓗᒥ ᑐᑦᓯᕋᐅᑎᖏᑦᑕ ᐱᔭᐅᕕᖓᓂ. ᓄᕐᖃᑎᑕᐅᑎᑦᓯᓂᖅ ᐊᑑᑎᒋᐊᓯᒐᔭᕐᑐᖅ ᐅᓪᓗᒥ ᐱᒍᑦᔭᐅᔫᑉ ᑐᑦᓯᕋᐅᑎᓕᐅᕐᕕᕕᓂᖓᓂ. ᓄᕐᖃᑎᑕᐅᖁᔨᓗᓂ ᑐᑦᓯᕋᐅᑎᓕᐅᕐᑐᖅ ᐅᓪᓗᖓᓂᒃ ᐅᖃᕐᓂᖏᑉᐸᑦ ᑕᕐᕿᒥ ᐊᑭᓕᕐᑐᐃᓇᐅᑉ ᓇᓪᓕᐅᑎᑦᑕᕕᒋᓲᖓᓂ ᐊᑑᑎᒐᔭᕐᑐᖅ (ᑕᕐᕿᓕᒫᒥ). ᓄᕐᖃᑎᑦᓯᒍᑎᐅᔪᑦ ᐃᓱᓕᑎᑦᓯᓂᐅᔪᑦ ᐃᓘᓐᓇᖏᓐᓂᒃ ᐱᒍᑦᔭᐅᒍᑎᓂᒃ ᐊᑭᖏᑦ ᐃᓚᐅᑎᓪᓗᒋᑦ ᐱᒍᑦᔭᐅᒍᑎᓕᒫᑦ ᐃᓱᓕᕝᕕᖓᓄᑦ ᑎᑭᓪᓗᑎᒃ ᑐᑦᓯᕋᐅᑎᐅᔪᕕᓂᐅᑉ ᐅᖃᕐᑕᐅᓯᒪᔫᓪᓘᓃᑦ ᐱᕕᑦᓴᐅᔫᑉ ᓇᓪᓕᐊᑐᐃᓐᓇᖓ ᐊᑑᑎᔪᖅ ᒪᓕᑦᑕᐅᓂᐊᕐᑎᓗᒍ.
ᐅᓪᓗᓂᒃ ᑕᓪᓕᒪᓂᒃ ᐱᓇᓱᓐᓇᓂᒃ ᓄᕐᖃᑎᑦᓯᖁᔨᒍᑏᑦ ᐱᓇᓱᐊᕐᑕᐅᒐᓱᐊᕋᔭᕐᑐᑦ.
ᓄᕐᖃᑎᑦᓯᓯᒪᓕᕐᓗᓂ ᐱᒍᑦᔭᐅᒍᑎᒥᓂᒃ, ᑮᓇᐅᔭᓄᑦ ᐅᑎᕐᕕᐅᒐᔭᕐᑐᖅ ᑮᓇᐅᔭᑦᓴᔭᐅᑎᓪᓗᒍ ᐊᑭᓖᒌᕈᑎᕕᓂᕐᒥᓂᒃ, ᖃᕆᑕᐅᔭᒃᑯᓗᓐᓃᑦ ᑐᔪᐃᒍᑎᑎᒍᑦ ᑮᓇᐅᔭᓂᒃ ᐊᑭᓕᑦᓴᑖᕈᑎᒥᓂᓪᓘᓃᑦ ᐊᑐᕐᓂᕈᓂ ᐅᓪᓗᓂ 14-ᓂ ᐱᓇᓱᐊᕐᑕᐅᒐᓱᐊᕋᔭᕐᑐᖅ. ᐅᑎᕐᑕᐅᒍᑎᖏᑦ ᐊᑐᒻᒣᑕᖏᓐᓂᒃ ᐅᓪᓗᓂᒃ ᑭᓯᑕᐅᒐᔭᕐᑐᑦ ᑕᕐᕿᑕᒫᑦ ᐊᑭᓕᕐᑐᓲᖏᓐᓂ ᓄᕐᖃᑎᑕᐅᑎᑦᓯᓯᒪᓕᕐᑎᓗᒍ. ᐊᓯᖏᑦ ᐊᑭᓕᕐᑕᐅᒌᕐᑐᕕᓃᑦ ᓄᕐᖃᑎᑕᐅᓚᐳᕐᑎᓇᒍ (ᖃᕆᑕᐅᔭᕈᑎᖃᕈᑏᑦ ᖃᓂᖕᖏᑐᒧᓪᓗ ᐅᖄᓚᒍᑏᑦ) ᐊᓯᖏᓪᓗ ᐊᑭᓕᕆᐊᓖᑦ ᐊᑕᐅᓯᕐᒥ ᐊᑭᓕᕋᑦᓴᖑᕐᑎᑕᐅᒐᔭᕐᑐᑦ ᐱᒍᑦᔭᐅᔪᑦ ᐊᑭᓕᑦᓴᑖᕈᑎᒥᓂᒃ ᐊᑐᕐᓱᑎᒃ ᐊᑭᓕᕐᑐᐃᓲᑦ ᖁᓛᓂ ᐅᖄᔭᐅᔪᓂᒃ ᐅᑎᕐᑎᑕᐅᒐᔭᕐᑐᓂᒃ (ᐊᑭᓖᓗᐊᕐᓯᒪᒍᑎᒃ) ᐅᑎᕐᑎᓯᕕᐅᒐᔭᕐᑐᑦ ᑕᒡᒍᖓ. ᐊᓯᐊᒍᖔᖅ ᐅᑎᕐᑕᐅᒍᑎᑖᕈᒪᒍᑎᒃ ᐱᒍᑦᔭᐅᔪᑦ ᖃᓄᐃᓕᖓᐅᓯᕆᒍᒪᔭᒥᓂᒃ ᓄᕐᖃᑎᑕᐅᑎᑦᓯᒍᑎᓂᒃ ᐊᓪᓚᒍᑎᖃᓕᑐᐊᕈᑎᒃ ᐃᓚᐅᑎᑦᓯᒋᐊᖃᕐᑐᑦ. ᐅᖃᕐᓯᒪᖕᖏᑯᑎᒃ ᐊᑭᓕᑦᓴᑖᕈᑎᖓᓅᑐᐃᓐᓇᕋᔭᕐᒪᑕ ᑮᓇᐅᔭᑦᓴᔭᕈᕐᓗᑎᓪᓘᓃᑦ ᐊᑭᓕᑦᓴᑖᕈᑎᓂᒃ ᐊᑐᕐᓱᑎᒃ ᐊᑭᓕᕐᑐᐃᓲᖑᖕᖏᑐᓄᑦ.
ᐅᑎᕐᑕᐅᒍᑏᑦ “ᐊᑑᑎᒍᓐᓇᖏᑦᑐᓄᑦ”
ᐱᒍᑦᔭᐅᔪᖅ ᐊᑭᓕᑦᓴᖃᕐᓂᕈᓂ ᐱᒍᑦᔭᐅᒍᑎᒥᓄᑦ, ᐃᓚᐅᑎᓪᓗᒋᑦ ᖃᕆᑕᐅᔭᕈᑏᑦ ᑕᐅᕐᓯᑕᐅᒍᑎᖏᓐᓄᑦ ᐊᑮᑦ, ᐱᑐᑦᑕᐅᒋᐊᓪᓚᓂᕐᒧᑦ ᐊᑮᑦ ᑕᒪᒃᑯᐊ ᐊᑭᓕᕐᑕᐅᒣᑦᑑᑐᐊᕐᐸᑕ ᐱᒍᑦᔭᐅᔪᖅ ᐅᑎᕐᕕᐅᒐᔭᖕᖏᑐᖅ ᑮᓇᐅᔭᓄᑦ, ᐊᑭᓖᒌᖕᖏᓂᓕᒫᒥᓂᓪᓗ ᐊᑭᓕᕆᐊᓕᒻᒥᓂᒃ ᐊᓪᓚᖁᑎᖏᑦ ᐅᒃᑯᐊᑕᐅᒍᓐᓴᕋᑎᒃ. ᑌᒣᓕᖓᔪᒦᓕᕈᓂ ᐊᑭᓕᑦᓴᓕᐅᕐᑕᐅᒋᐊᓪᓚᒐᔭᖕᖏᑐᖅ ᐊᑭᓕᕆᐊᓕᒥᑕ ᐊᓯᐊᒍᑦ.
ᐃᓕᔭᐅᓚᐅᕐᑎᓇᒍ ᖁᔭᓈᕐᓂᖅ
ᓱᓇᒥᑦᑎᓗᒍ ᐅᑎᕐᑕᐅᒍᑎᑕᕈᒪᒍᓂ ᐱᒍᑦᔭᐅᔪᖅ ᓄᕐᖃᑎᑦᓯᒋᐊᖃᕐᑐᖅ 48-ᓂ ᑫᕙᓪᓚᒍᓯᕐᓂ ᐱᒍᑦᔭᐅᒍᑎᒋᒋᐊᓕᖏᑦ ᐱᒋᐊᕐᑐᕕᓂᐅᓕᕐᑎᓗᒋᑦ.
ᓄᕐᖃᑎᑦᓯᒍᒪᐅᑏᑦ 48 ᑫᕙᓪᓚᒍᓰᑦ ᓯᕗᓂᖓᒍᑦ ᐱᔭᐅᓐᓂᐸᑕ ᑕᕐᕿᑕᒫᑦ ᐊᑭᖓᓂᒃ ᐅᑎᕐᑎᓯᕕᐅᒐᔭᕐᑐᖅ. ᐅᑎᕐᑎᑕᐅᒐᔭᖕᖏᑐᑦ ᐱᒍᑦᔭᐅᒍᑎᒥᒃ ᐱᒋᐊᕐᑎᓯᒍᑎᕕᓂᖏᑦ.
ᖃᕆᑕᐅᔭᕈᑎᓄᑦ ᐅᑎᕐᑕᐅᒍᑏᑦ ᐊᑑᑎᒐᔭᕐᑐᑦ ᑕᒫᓂᒃᑯᑦ ᕿᒥᕐᕈᒌᑦᓯᐊᓯᒪᓕᕐᐸᑕ ᖃᕆᑕᐅᔭᕈᑎᓂᒃ ᓯᖁᑦᑎᑕᐅᓯᒪᖕᖏᑐᐊᕐᐸᑕ ᐅᑎᕐᑎᓯᒐᔭᕐᑐᑦ.
ᐊᐅᓪᓚᑎᑦᓯᒍᑏᑦ ᐊᑭᖏᑦ ᐅᑎᕐᑕᐅᒍᑎᐅᒍᓐᓇᖏᑦᑐᑦ.
ᖃᕆᑕᐅᔭᕈᑏᑦ ᐃᒻᒪᖃᐅᑎᖏᑦ ᐅᑎᕐᑎᑕᐅᒍᓯᖏᓪᓗ
ᕿᒥᕐᕈᓗᒍ ᒪᓕᒉᑦ ᖃᓄᐃᓕᖓᒍᓯᐅᒋᐊᓖᓪᓗ ᖁᓛᓂ ᐅᖃᕐᑕᐅᔪᑦ, ᖃᐅᔨᒐᔭᕋᑦᑕ ᐊᑭᓖᒋᐊᓕᓐᓂᒃ ᐊᑭᖏᓐᓂᓗ.