ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᖓ ᒪᓕᒐᕆᓚᖓᔭᖏᑦ ᐱᐅᓯᕆᔭᐅᒋᐊᓖᓪᓗ
1. ᑐᑭᓯᑎᑦᓯᒋᐊᖕᖓᐅᑎᒃ. ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᖓ (ᑕᒡᒐᓂ ‘’ᐱᑕᖃᕐᑎᓯᔨ’’) ᑲᑎᕕ ᓄᓇᓕᓕᒫᑦ ᑲᕙᒪᖓᑕ (KRG) ᐱᑦᔪᔨᕕᖏᑦᑕ ᐃᓚᖓ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᐅᑦᓱᓂ ᖁᒻᒧᐊᓯᒪᔪᑎᒍᑦ ᐱᑐᑦᓯᒪᑦᓱᓂ ᓯᓚᕐᔪᐊᓕᒫᒨᓕᖓᒍᑎᒧᑦ (ᑕᒡᒐᓂ ‘’ᐱᑐᑦᓯᒪᕕᒃ’’) ᐃᓄᓐᓄᑦ ᓄᓇᓕᓕᒫᓄᑦ ᓄᓇᕕᒻᒥ ᓂᐅᕕᕐᑐᓄᑦ ᐱᑦᔪᔭᐅᒍᒪᒍᑎᒥᒃ ᑕᕐᕿᑕᒫᑦ ᐊᑭᓕᒻᒥᒃ (ᑕᒡᒐᓂ ‘’ᓂᐅᕕᕐᑐᖅ’’). ᑖᓐᓇ ᐱᒍᑦᔨᒍᑎᒃ ᓂᐅᕕᕐᑐᓂᒃ ᐱᑐᒍᓐᓇᓯᑎᑦᓯᒍᑎᒃ ᓯᓚᕐᔪᐊᓕᒫᒨᓕᖓᔪᒧᑦ ᓂᐅᕕᕐᓯᒪᒻᒥᔪᓄᑦ ᐊᕕᑦᑕᐅᓱᓂ.
2. ᐊᖏᕐᓯᒪᒍᑎᒃ. ᐱᑐᑦᓯᒪᕕᒻᒥᒃ ᐊᑐᕈᓂ, ᓂᐅᕕᕐᓯᒪᔪᖅ ᐊᖏᕐᑐᖅ ᒪᓕᒐᕆᓚᖓᔭᖏᓐᓂᒃ ᐊᒻᒪᓗ ᐱᐅᓯᕆᔭᐅᒋᐊᓕᓐᓂᒃ ᐅᕙᓂ ᐊᓪᓚᑕᐅᔪᓂ. ᑖᒃᑯᐊ ᒪᓕᒐᕆᓚᖓᔭᖏᑦ ᐊᒻᒪᓗ ᐱᐅᓯᕆᔭᐅᒋᐊᓖᑦ ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᖃᖓᑦᓴᕋᑕᖅ ᐊᖏᕐᑕᐅᓯᒪᓪᓗᑯᐊᐱᒍᓐᓀᓗᑎᒃ ᓂᐅᕕᕐᓯᒪᔪᒧᑦ. ᓂᐅᕕᕐᓯᒪᔪᖅ ᓇᒻᒥᓂᖅ ᖃᐅᔨᓴᖃᑦᑕᕆᐊᓕᒃ ᐋᕐᕿᒋᐊᕐᑕᐅᔪᓂᒃ ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᐅᑉ ᖃᕆᑕᐅᔭᑎᒍᑦ ᑕᑯᒋᐊᕐᕕᖓᓂ ᐅᕙᓂ http://2gu.198.mytemp.website. ᓇᐅᑐᐃᓐᓇᖅ ᓂᐅᕕᕐᓯᒪᔪᖅ ᐊᖏᖕᖏᑯᓂ ᑖᒃᑯᓂᖓ ᒪᓕᒐᕆᓚᖓᔭᖏᓐᓂᒃ ᐊᒻᒪᓗ ᐱᐅᓯᕆᔭᐅᒋᐊᓕᓐᓂᒃ ᐅᖃᖃᑎᖃᕆᐊᓕᒃ ᑕᒫᓂᒃᑯᓂᒃ ᓄᕐᖃᑎᑕᐅᖁᔨᓗᓂ ᐱᑦᔪᔭᐅᒍᑎᒥᓂᒃ.
3. ᐱᑦᔪᔭᐅᒍᑎᒋᒍᒪᔭᖓᑕ ᖃᓄᐃᓕᖓᓂᖓ. ᓂᐅᕕᕐᑐᖅ ᐱᑦᔪᔭᐅᒍᑎᒋᒍᒪᔭᒥᓂᒃ ᐃᓚᐅᒍᓐᓇᑐᖅ ᓇᓗᓀᕐᑕᐅᔪᓂ ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᐅᑉ ᖃᕆᑕᐅᔭᑎᒍᑦ ᑕᑯᒋᐊᕐᕕᖓᓂ ᐅᕙᓂ http://2gu.198.mytemp.website. ᐱᑦᔪᔭᐅᒍᑎᒋᒍᒪᔭᖓᑕ ᖃᓄᐃᓕᖓᓂᖓ ᐊᑐᐃᓐᓇᐅᒥᔪᖅ ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᐅᑉ ᓄᓇᓕᓐᓂ ᐱᓇᓱᑦᑎᖏᓐᓂ ᐅᕝᕙᓘᓐᓃᑦ ᐊᓪᓚᑖᕐᕕᑎᒍᑦ ᑐᑦᓯᕌᕆᔭᐅᒍᓂ. ᐱᑦᔪᔭᐅᒍᑎᒋᒍᒪᔭᖓᑕ ᖃᓄᐃᓕᖓᓂᖓᑕ ᐃᓗᓕᖏᑦ ᐃᓚᓖᑦ ᑕᕐᕿᑕᒫᑦ ᐊᑭᓕᕐᑐᐃᒍᓯᕐᒥᒃ, ᐊᑐᕐᓂᖓᑕ ᐃᓱᓕᑦᑕᑐᒥᒃ, ᖃᕆᑕᐅᔭᑎᒍᑦ ᐊᓪᓚᑖᕐᕕᖃᕐᓂᒥᒃ ᐊᒻᒪᓗ ᐊᑐᓗᐊᕈᓂ ᐊᑭᓖᒋᐊᓪᓚᓂᕐᒥᒃ ᓄᐃᑕᑎᑕᐅᓲᑦ ᐱᑕᖃᕐᑎᓯᔪᒧᑦ ᐊᒻᒪᓗ ᐋᕐᕿᒋᐊᕐᑕᐅᑐᐃᓐᓇᕆᐊᖃᕐᑐᓱᑎᒃ ᖃᖓᑦᓴᕋᑕᖅ ᖃᐅᔨᑎᑦᓯᓗᑐᑦᓴᕈᓐᓀᓗᑎᒃ ᓂᐅᕕᕐᓯᒪᔪᒥᒃ.
4. ᐊᑐᕈᓐᓇᕕᖓᑕ ᓈᒻᒪᓈᕐᓂᖓ. ᐱᑦᔪᔭᐅᒍᑎᒥᒃ ᐊᑐᕈᓂ, ᓂᐅᕕᕐᓯᒪᔪᖅ:
ᐊ. ᐊᖏᕐᑐᖅ ᐊᑐᕐᓂᐊᓱᓂ ᐱᑦᔪᔭᐅᒍᑎᒥᒃ ᐱᖁᔭᑎᒍᑦ ᐊᑐᕐᓂᐊᓗᓂ ᑭᓯᐊᓂ. ᐱᖁᔭᑎᒍᑦ ᐊᑐᕐᓂᓘᑏᑦ ᐅᑯᓂᖓ ᐃᓚᓖᑦ, ᐊᓯᖃᕈᓐᓇᒥᑦᓱᑎᒃ, 1) ᐃᓕᓯᓂᖅ ᐅᕝᕙᓘᓐᓃᑦ ᐱᑖᕐᓂᖅ ᖃᕆᑕᐅᔭᑎᒍᑦ ᐱᐊᕋᕐᓂᑦ ᐃᑦᓯᒎᕐᓂᓘᑎᐅᔪᓂᒃ ᑕᕐᕋᓕᔮᓂᒃ ᐊᒻᒪᓗ ᑮᓈᖕᖑᓇᕐᑐᓂᒃ, 2) ᐃᓕᓯᓂᖅ ᐅᕝᕙᓘᓐᓃᑦ ᐱᑖᕐᓂᖅ ᐃᑦᔪᐊᖃᑦᑕᑕᐅᒌᒃᑯᑎᓕᓐᓂᒃ ᓇᒻᒥᓂᓕᒻᒧᑦ ᐊᑐᕈᓐᓇᓕᕋᕐᑕᐅᓯᒪᖕᖏᓗᓂ 3) ᑲᑉᐱᐊᓵᕆᒍᑎᖃᕈᑎᒃ ᐅᕝᕙᓘᓐᓃᑦ ᐸᕝᕕᓇᕿᒍᑎᖃᕈᑎᒃ, ᐅᕝᕙᓘᓐᓃᑦ 4) ᖃᕆᑕᐅᔭᑎᒍᑦ ᑎᓪᓕᒉᒍᑎᒃ ᐅᕝᕙᓘᓐᓃᑦ ᐱᒋᖕᖏᑕᒥᓂᒃ ᐊᑐᖕᖑᐊᕈᑎᒃ;
ᐸ. ᐊᑑᑎᓂᐊᖕᖏᑐᖅ ᐊᑦᑕᓀᒃᑯᑕᓕᐊᖑᓯᒪᔪᓂᒃ ᐅᕝᕙᓘᓐᓃᑦ ᑭᓇᐅᓂᖓᑕ ᓇᓗᓀᔦᒍᑎᖓᓂᒃ ᐃᑖᕐᓂᒥᒃ ᖃᕆᑕᐅᔭᑎᒍᑦ ᑕᑯᒋᐊᕐᕕᖁᑎᓕᓐᓂ (ᖃᐅᔨᒪᔭᐅᒍᓯᖃᕐᒥᔪᖅ ‘’ᐊᑐᓰᓐᓇᓂᕐᒥᒃ’’), ᐊᑑᑎᓂᐊᕋᓂᓗ ᓱᒃᑯᑎᕆᓂᕐᒥᒃ, ᐃᓱᐃᓪᓕᑎᕆᓂᕐᒥᒃ ᐅᕝᕙᓘᓐᓃᑦ ᖄᖏᐅᑎᑎᑦᓯᓂᕐᒥᒃ ᐊᓯᒥᑕ ᓂᐅᕕᕐᓯᒪᒻᒥᔫᑉ ᐱᑦᔪᔭᐅᒍᑎᖓᓂᒃ, ᐱᑕᖃᕐᑎᓯᔫᑉ ᐱᑐᑦᓯᒪᑎᑦᓯᒍᑎᖓᓂᒃ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᑕᑯᒋᐊᕐᕕᖃᕐᒥᔪᓂᒃ ᐊᓯᖏᓐᓂᒃ. ᐊᑑᑎᓂᖅ ᖄᖏᐅᑎᑎᑦᓯᓚᖀᓂᕐᒥᒃ ᐱᑐᑦᓯᒪᖃᑎᒌᑦᑎᓯᓂᕐᒥᒃ ᐊᑐᕐᓂᓗᓐᓂᕋᕐᑕᐅᒐᔭᕐᑐᖅ ᐊᒻᒪᓗ ᓄᕐᖃᑎᑕᐅᓚᐅᕐᑐᕋᔭᕐᑐᖅ ᐱᑦᔪᔭᐅᒍᑎᖓ ᐅᕝᕙᓘᓐᓃᑦ ᐱᑦᔪᔭᐅᒍᓐᓀᓚᕿᒐᔭᕐᑐᖅ;
ᑕ. ᐊᖏᕐᑐᖅ ᐊᐅᓪᓚᑎᑦᓯᖃᑦᑕᓂᐊᕋᓂ ᖃᕆᑕᐅᔭᑎᒍᑦ ᐊᓪᓚᑖᕆᔭᐅᒍᒥᓇᖕᖏᑐᓂᒃ ᐅᕝᕙᓘᓐᓃᑦ ᐊᒥᓲᓈᕐᑎᑐᓂᒃ ᐊᐅᓪᓚᑎᑦᓯᕕᖃᕐᓂᒥᒃ ᐅᖃᖃᑎᒌᕝᕕᓅᓕᖓᔪᓄᑦ ᐊᑦᔨᒌᖕᖏᑐᓄᑦ, ᐅᖃᖃᑎᒌᕝᕕᖃᕐᑎᓯᔪᓄᑦ ᐅᕝᕙᓘᓐᓃᑦ ᑌᒣᑦᑐᓅᓕᖓᔪᓄᑦ;
ᑲ. ᐊᒻᒪᓗ, ᐊᖏᕐᑐᖅ ᓱᕐᕋᑎᕆᓂᐊᕋᓂ ᐅᕝᕙᓘᓐᓃᑦ ᐅᐃᕖᕐᕆᓯᓂᐊᕋᓂ ᐱᑐᑦᓯᒪᖃᑎᒌᒍᓰᑦ ᐊᐅᓚᑦᓯᒍᑎᖏᑦᑕ ᑐᑭᓯᓇᐅᑎᖏᓐᓂᒃ ᐆᑦᑑᑎᒋᓗᒍ SMTP headers, TCP/IP packet headers ᐅᕝᕙᓘᓐᓃᑦ ᐊᓯᖏᑦ ᓄᐊᑕᐅᒪᔪᑦ ᐊᐅᓚᑦᓯᒍᑏᑦ ᐱᑐᑦᓯᒪᖃᑎᒌᒍᑎᓂᒃ.
5. ᐊᑐᕐᑐᑑᓚᖓᓂᖅ. ᐱᑕᖃᕐᑎᓯᔨ ᐱᑦᔪᔨᓂᕐᒥᒃ ᐊᑐᐃᓐᓇᐅᑎᑦᓯᔪᖅ ᐊᑕᐅᓯᕐᒧᑦ ᐃᓪᓗᒨᓕᖓᓂᐊᕐᑎᓗᒍ, ᓇᒻᒥᓂᖅ ᐱᓇᓱᕝᕕᓕᒻᒨᓕᖓᓂᐊᕐᑎᓗᒍ ᐅᕝᕙᓘᓐᓃᑦ ᑎᒥᐅᔪᒨᓕᖓᓂᐊᕐᑎᓗᒍ. ᓂᐅᕕᕐᑐᖅ ᐊᖏᕐᑐᖅ ᓂᐅᕐᕈᑎᖃᕐᓂᐊᕋᓂ, ᐊᑦᑕᑐᕐᑎᓯᓂᐊᕋᓂ, ᐊᒥᕐᖄᖃᑎᖃᕐᓂᐊᕋᓂ, ᑐᓂᓯᓂᐊᕋᓂ ᐅᕝᕙᓘᓐᓃᑦ ᐊᑐᕐᑎᓯᒍᓐᓇᓂᐊᕋᓂ ᐱᑦᔪᔭᐅᒍᑎᒥᓂᒃ ᐊᓯᒥᓄᑦ ᐊᓂᕐᕋᒥᑕ ᓇᔪᕐᑕᒥᑕᓘᓐᓃᑦ ᓯᓚᑖᓃᑦᑐᒧᑦ ᖃᓄᑐᐃᓐᓇᖅ ᐃᓚᒋᔭᐅᑎᓪᓗᒍ ᐊᓯᖃᕈᓐᓇᒥᑦᓱᓂ 1) ᑕᒃᑯᒧᑦ ᐱᑐᑦᑎᓯᓂᕐᒥᒃ ᐱᑐᑦᑎᓯᒍᑏᓐᓂᒃ ᐊᓂᕐᕌᓄᑦ ᓇᔪᑦᑕᓄᓪᓘᓃᑦ ᒪᕐᕉᓄᑦ ᐊᑦᔨᒌᖕᖏᑑᓐᓄᑦ, ᐅᕝᕙᓘᓐᓃᑦ 2) ᐊᒡᒍᑐᐃᓂᕐᒥᒃ ᐱᑦᔪᔭᐅᒍᑎᒥᓂᒃ ᖁᒻᒧᐊᑐᒃᑯᑦ.
6. ᐊᑭᓖᓂᖅ. ᐊᑭᓕᕐᑐᐃᔪᖅ ᐱᑦᔪᔭᐅᒍᑎᒥᓂᒃ ᓯᕗᓂᐊᒍᑦ ᐊᑭᓖᑦᓴᐅᑎᒋᖃᑦᑕᓚᖓᔪᖅ ᑕᕐᕿᑕᒫᑦ. ᐊᑭᓖᕐᖃᔭᖕᖏᐸᑦ, ᐱᑕᖃᕐᑎᓯᔪᖅ ᐱᑦᔪᔭᐅᒍᑎᖓᓂᒃ ᓄᕐᖃᑎᑦᓯᓚᐅᕐᑐᖃᑦᑕᕈᓐᓇᕕᓕᒃ ᐊᑭᓕᕐᑐᐃᔪᖅ ᐊᑭᓕᑦᓴᒥᓂᒃ ᐊᑭᓖᖕᖏᓂᓕᒫᖓᓂ. ᓄᕐᖃᑎᑕᐅᓚᐅᕐᑐᓂᖓ ᓴᒃᑯᓯᒍᑎᐅᖕᖏᑐᖅ ᐊᑭᓕᑦᓴᓕᒻᒥᒃ.
7. ᐱᑐᑦᓯᒪᖃᑎᒌᒍᑎᐅᑉ ᐊᑐᐃᓐᓇᐅᓂᖓ. ᐱᑕᖃᕐᑎᓯᔪᖅ ᖄᖏᕐᓂᑯᓕᐅᕈᓯᒥᑕ ᐱᒍᓐᓇᑕᖓᓂᒃ ᐊᔪᐃᓐᓇᕈᑎᖃᖃᑦᑕᓚᖓᔪᖅ ᐱᑐᑦᓯᒪᖃᑎᒌᒍᑎᒥᒃ ᐊᐅᓚᑎᑦᓯᓂᕐᒥᒃ ᑌᒻᒫᖓᓕᒫᖅ, ᑭᓯᐊᓂ ᓱᕐᖁᐃᓱᖕᖏᑐᖅ ᐊᑐᐃᓐᓇᐅᑎᑦᓯᖏᓐᓇᓕᒫᕐᓂᒥᒃ ᐱᑦᔪᔨᒍᑎᒥᓂᒃ. ᐱᑕᖃᕐᑎᓯᔪᖅ ᐱᔪᓐᓇᓂᕋᕐᑐᖅ ᐅᓚᐱᑦᓯᒍᓐᓇᓂᕐᒥᒃ ᐱᑐᑦᓯᒪᖃᑎᒌᒍᑎᒥᒃ ᐋᕐᕿᓱᕐᑕᐅᒋᐊᖃᓕᕐᐸᑦ ᐱᓇᓱᓐᓇᐅᑉ ᓯᓚᑖᒍᑦ (9-ᖑᒥ 5-ᖕᖑᒧ ᐊᓪᓕᕇᒥ ᓂᕿᑦᓯᕕᒻᒧᑦ ᐃᓚᐅᑎᓐᓇᒋᑦ ᕿᑲᕐᓀᑦ). ᐱᑐᑦᓯᒪᖃᑎᒌᒍᑎᒃ ᐅᐃᒪᓇᕐᑐᑰᓯᐊᕿᑉᐸᑦ, ᐋᕐᕿᓱᕐᑕᐅᒐᔭᕐᑐᖅ ᖃᖓᑐᐃᓐᓇᑯᑦ ᖃᐅᔨᑎᑦᓯᓗᑯᑦᓴᕈᓐᓀᓗᑎᒃ ᓂᐅᕕᕐᓯᒪᔪᓂᒃ. ᐱᑕᖃᕐᑎᓯᔪᖅ ᑖᓐᓇᑑᓗᓂ ᑲᒪᔭᑦᓴᔭᓕᒃ ᓱᕐᖁᐃᓯᓂᕐᒥᒃ ᐱᑐᑦᓯᒪᖃᑎᒌᒍᑎᐅᑉ ᐅᐃᒪᓇᕐᓯᓂᖓᓂᒃ. ᐱᑦᔪᔨᒍᑎᑦ ᐊᑐᐃᓐᓇᐅᒍᓐᓀᓂᕐᐸᑦ 48-ᓂ ᐃᑲᐅᕐᓂᓂ ᐅᖓᑖᓄᓪᓗ, ᐱᑕᖃᕐᑎᓯᔪᖅ ᓂᐅᕕᕐᓯᒪᔪᒥᒃ ᐅᑎᕐᑎᓯᕕᖃᕋᔭᕐᑐᖅ ᐊᑭᓕᑦᓴᖓᓂᒃ ᓇᓪᓕᖁᐊᖓᓂᒃ ᐱᑦᔪᔭᐅᒍᑎᒋᖕᖏᑕᖓᑕ. ᐹᕐᓯᖓᐅᑎᖃᑎᒌᑉᐸᑏᒃ ᓂᐅᕕᕐᓯᒪᔪᖅ ᐊᒻᒪᓗ ᐱᑕᖃᕐᑎᓯᔪᖅ ᐱᑦᔪᑎᖃᕐᓱᑎᒃ ᐱᑦᔪᔭᐅᓂᖃᖕᖏᓂᕐᒧᑦ ᐊᑑᑎᓂᕐᒥᒃ, ᐱᑕᖃᕐᑎᓯᔪᖅ ᐱᔪᓐᓇᐅᑎᓕᑐᐊᖅ ᓱᕐᖁᐃᓯᓂᕐᒥᒃ ᖃᖓᓪᓗᐊᑎᒋᑦ ᐱᑦᔪᔨᓐᓂᖏᒻᒥᓂ.
8. ᐱᑐᑦᓯᒪᖃᑎᒌᒍᑎᐅᑉ ᐊᑦᑕᓀᑦᑐᒦᒋᐊᖃᕐᓂᖓ. ᓂᐅᕕᕐᓯᒪᔪᖅ ᐊᖏᕐᑐᖅ ᐊᑦᑕᓇᖕᖏᓯᐊᕐᑎᓯᓂᐊᕐᓂᒥᓂᒃ ᐱᑐᑦᓯᒪᒍᑎᒥᓂᒃ ᐊᒻᒪᓗ ᑕᑯᒋᐊᕐᓲᒥᓂᒃ. ᑖᒃᑯᐊ ᐃᓚᓖᑦ ᑖᒃᑯᑑᒐᑎᓗ ᖃᕆᑕᐅᔭᒥᒃ ᓱᔪᑦᑕᐅᒌᒃᑯᑎᖃᕐᓂᒥᒃ ᐊᒻᒪᓗ ᐱᑐᑦᓯᒪᖃᑎᒌᒍᑎᖓᑕ ᐃᑖᕐᑕᐅᒌᒃᑯᑎᖓᓂᒃ. ᐱᑕᖃᕐᑎᓯᔪᖅ ᑲᒪᒋᔭᖃᕐᓂᐊᖏᑦᑐᖅ ᓱᔪᑦᑕᐅᒌᒃᑯᑎᖃᕐᑎᓯᓂᕐᒥᒃ, ᐃᑖᕐᑕᐅᒌᒃᑯᑎᖃᕐᑎᓯᓂᕐᒥᒃ ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓇᓂᒃ ᒪᓕᑦᓯᐊᖏᒍᑎᓂᒃ ᖃᕆᑕᐅᔭᐅᑉ ᐊᑦᑕᓀᑦᑑᒍᑎᖏᓐᓂᒃ ᓂᐅᕕᕐᓯᒪᔫᑉ ᐃᓱᐃᑦᑐᑰᕈᑎᒋᓚᕿᒍᓐᓇᑕᖏᓐᓂᒃ ᐱᑦᔪᔭᐅᒍᑎᒥᓂ.
9. ᐱᑕᖃᕐᑎᓯᔪᖅ ᓇᐅᑦᓯᑐᕐᓂᐊᑐᖅ ᐱᓇᓲᑎᓂᒃ ᑐᓂᔭᐅᔪᓂᒃ (ᐊᓪᓚᑕᐅᔪᖅ ᒪᓕᑦᑐᒥ ᐊ) ᓇᓗᓀᕐᓯᒍᑎᐅᓂᐊᕐᑎᓗᒍ ᐊᐅᓚᒍᓐᓇᓂᖓᑕ ᖃᓄᐃᓕᖓᓂᖓᓂᒃ. ᐱᑕᖃᕐᑎᓯᔪᖅ ᓂᐅᕕᕐᑐᒥ ᐁᑦᑐᐃᓂᐊᕐᑐᖅ ᐱᓇᓲᑎᒥᒃ ᑖᑦᓱᒥᖓ ᐊᖏᖃᑎᒌᒍᑎᖃᕐᐸᑦ. ᐊᑐᕐᓴᖑᕐᑎᑕᐅᓚᐅᕐᑎᓇᒍ ᓂᐅᕕᕐᑑᑉ ᐃᓚᐅᒍᑎᖓ ᐊᑎᓕᐅᕐᕕᖃᕐᖄᕆᐊᓕᒃ ᓱᓕᓂᕋᕐᓗᓂ ᐅᑎᕐᑎᓯᓛᕐᓂᒥᓂᒃ ᐱᓇᓲᑎᒥᒃ ᑐᓂᔭᐅᔪᒥᒃ ᐊᐅᓚᒍᓐᓇᓯᐊᖏᓐᓇᑎᓪᓗᒍ ᑌᒫᑦᓭᓇᖅ ᐱᐅᓯᖓᓂᒃ ᑐᓂᔭᐅᕕᒥᑕ. ᐱᑕᖃᕐᑎᓯᔪᖅ ᑖᓐᓇᑑᓗᓂ ᓇᒻᒥᓂᖃᕐᓂᐊᑐᖅ ᐱᓇᓲᑎᒥᒃ ᓂᐅᕕᕐᑑᑉ ᐊᖏᖃᑎᒌᓐᓂᖃᕐᓂᓕᒫᖓᓂ. ᐱᓇᓲᑎᒃ ᐅᖃᑦᑕᐅᔪᖅ ᒪᑐᐃᕐᑕᐅᒍᓐᓇᖏᑦᑐᖅ ᐅᕝᕙᓘᓐᓃᑦ ᐋᕐᑭᓱᕐᑕᐅᒍᓐᓇᕋᓂ ᐱᑕᖃᕐᑎᓯᔫᑉ ᐅᕝᕙᓘᓐᓃᑦ ᐊᖏᕐᑕᐅᒪᔪᓄᑦ ᐱᓇᓱᑦᑏᑦ ᐊᓯᐊᓄᑦ. ᓂᐅᕕᕐᑐᖅ ᑲᒪᒋᐊᓕᒃ ᐱᓇᓲᑎᐅᑉ ᖃᓄᐃᖕᖏᓯᐊᕆᐊᖃᕐᓂᖓᓂᒃ, ᐃᓚᖃᕐᑎᓗᒍ ᑖᒃᑯᑑᒐᑎᓗ, ᐊᑦᑕᓇᕐᑐᒨᕐᑎᑌᓕᒋᐊᖃᕐᓂᖓ, ᐱᐊᕋᕐᓄᑦ ᑲᒪᒋᔭᐅᒋᐊᖃᖕᖏᓂᖓ, ᒪᓂᔨᒋᐊᖃᕋᓂᓗ ᐱᓇᓲᑎᒥᒃ ᐊᓂᕐᕋᒥᓂ ᓇᐅᑐᐃᓐᓇᒧᑦ ᐱᑕᖃᕐᑎᓯᔫᑉ ᐅᕝᕙᓘᓐᓃᑦ ᐊᖏᕐᑕᐅᒪᔪᓄᑦ ᐱᓇᓱᑦᑏᑦ ᐊᓯᐊᓄᑦ. ᓂᐅᕕᕐᓯᒪᔪᖅ ᒪᓗᒍᓱᒍᓂ ᐅᕝᕙᓘᓐᓃᑦ ᐱᑦᓯᐊᖏᑦᑐᒥ ᖃᐅᔨᒍᓂ ᐅᕝᕙᓘᓐᓃᑦ ᑕᒃᑯᒧᑦ ᖃᐅᔨᑦᓴᐅᑐᐊᕐᐸᑦ ᐱᓇᓲᑎ ᐱᑖᖓ ᓱᒃᑯᓯᒪᑎᓪᓗᒍ ᓂᐅᕕᕐᓯᒪᔪᖅ ᐅᖃᕈᑎᖃᕆᐊᓕᒃ ᑌᒣᓐᓂᖓᓂᒃ ᐱᑕᖃᕐᑎᓯᔪᒧᑦ. ᓇᓗᓀᕐᑕᐅᐸᑦ ᓂᐅᕕᕐᓯᒪᔪᖅ ᓱᒃᑯᐃᓂᕐᐸᑦ ᐅᕝᕙᓘᓐᓃᑦ ᓱᒃᑯᐃᒋᐊᓪᓚᓚᖀᓐᓂᐸᑦ, ᐱᒍᓐᓇᖏᓚᖀᓐᓂᐸᑦ ᐅᕝᕙᓘᓐᓃᑦ ᐊᐅᓚᒍᓐᓇᒌᔨᐊᖃᕐᓂᐸᑦ ᐱᓇᓲᑎᒥᒃ ᑐᓂᔭᐅᔪᕕᓂᕐᒥᒃ ᐊᖏᖃᑎᒌᒍᑎᓯᑕ ᐃᓗᐊᒍᑦ, ᐊᑭᓖᓚᕿᒋᐊᖃᑐᐃᓐᓇᕆᐊᓖᑦ ᑎᑭᐅᑎᑐᐃᓐᓇᕆᐊᓕᒻᒥᒃ ᐊᒻᒪᓗ ᐃᓚᖃᑐᐃᓐᓇᕆᐊᓕᒻᒥᒃ ᑕᐅᕐᓯᐅᑎᑦᓴᖓᓂᒃ ᐱᓇᓲᑎᐅᑉ. (ᐊᓪᓚᑕᐅᔪᖅ ᒪᓕᑦᑐᒥ ᐊ). ᐱᑕᖃᕐᑎᓯᔪᖅ ᐊᓯᑦᔩᑐᐃᓐᓇᕆᐊᓕᒃ, ᒋᐊᖃᕐᑐᕆᑐᐊᕈᓂ ᑕᐅᕐᓰᓂᕐᒥᒃ, ᐊᓯᑦᔩᓂᕐᒥᒃ ᐅᕝᕙᓘᓐᓃᑦ ᐋᕐᕿᒋᐊᕆᓂᕐᒥᒃ ᐱᓇᓲᑎᒥᒃ ᐊᓯᑦᔨᑎᕆᓂᖓ ᓱᕐᕃᓗᑐᖕᖏᑐᐊᕐᐸᑦ ᐱᑦᔪᔭᐅᒍᑎᒥᒃ. ᓂᐅᕕᕐᑐᖅ ᐊᑐᐃᓐᓇᖃᕐᑎᓯᓂᐊᕐᑐᖅ ᐱᓇᓱᓐᓇᒥ ᐅᕝᕙᓘᓐᓃᑦ ᖃᖓᐅᓂᖓᓂᒃ ᐊᖏᖃᑎᒌᒍᑎᐅᔪᒥ ᖃᐅᔨᑎᑕᐅᓯᒪᓚᐅᕐᓗᓂ ᐱᑕᖃᕐᑎᓯᔪᒧᑦ ᐃᑲᐅᕐᓃᑦ 48 ᓯᕗᓂᐊᓂ. ᑎᓯᐅᔪᐃᑦ ᐱᑕᖃᕐᑎᑕᐅᔪᑦ ᐃᑲᔪᕐᑕᐅᓴᐅᑎᒋᒋᐊᓖᑦ ᑐᑦᓯᕋᕐᕕᖃᕈᓐᓇᑐᑦ ᑕᒫᓂ ᐱᓇᓱᑦᑎᖏᓐᓂᒃ ᐋᕐᕿᓱᐃᖁᔨᓗᑎᒃ ᖃᖓᐅᓂᐊᓂᒃ ᐊᖏᖃᑎᒌᒍᑎᐅᔪᒥ. ᑌᒣᒐᓗᐊᕐᑎᓗᒍ, ᖃᐅᔨᒪᔭᐅᒋᐊᓕᒃ ᑖᒃᑯᐊ ᑎᒥᐅᔪᐃᑦ ᐃᑲᔪᕐᑕᐅᒋᐊᕐᑐᕈᒪᔪᑦ ᐅᑎᕐᑎᓯᒋᐊᓖᑦ ᐱᓇᓱᑦᑎᒨᓕᖓᔪᓄᑦ ᐊᑭᓕᐅᑎᕕᓂᕐᓂᒃ ᖃᖓᑦᑕᐅᑎᓄᑦ, ᓯᓂᑦᑕᐅᑎᓄᑦ, ᐊᐅᓪᓚᓯᒪᒍᑎᖏᓐᓄᑦ ᐊᒻᒪᓗ ᐱᓇᓱᑦᑕᒥᑕ ᐅᖓᑖᓅᕈᑎᖏᓐᓄᑦ ᑐᓂᔭᐅᓯᒪᓕᕈᑎᑦ ᐅᓪᓗᐃᑦ 30 ᐃᓗᐊᓂ ᐱᑦᔪᔭᐅᒍᑎᕕᓂᖓᑕ ᐊᑭᓕᑦᓴᓕᐊᖓᓄᑦ.
10. ᐅᑭᐅᑭᑦᑐᐃᑦ ᑲᒪᔭᐅᓂᖓ. ᓂᐅᕕᕐᑐᖅ ᖃᐅᔨᕙᓪᓚᓯᐊᕐᑐᖅ ᐅᑭᐅᑭᑦᑐᓄᑦ ᓈᒻᒪᖏᑦᑐᓂᒃ ᑕᑯᑦᓴᑕᖃᑐᐃᓐᓇᕆᐊᖃᕐᓂᖓᓂᒃ ᓯᓚᕐᔪᐊᓕᒫᒥ ᐱᑐᑦᓯᒪᕕᒻᒥ ᐊᒻᒪᓗ ᑖᒃᑯᓂᖓᓕᒫᖅ ᑲᒪᔭᖃᕐᓂᐊᓱᓂ ᐅᑯᓂᖓ 1) ᓈᒻᒪᓈᖕᖏᑐᓕᔪᓂᒃ ᐱᓂᐊᕐᓂᖃᕐᐸᑦ ᐅᑭᐅᑭᑦᑐᖅ, 2) ᓈᒻᒪᓈᑦᓯᐊᖏᑦᑐᓕᑉᐸᑦ ᐅᕝᕙᓘᓐᓃᑦ ᐱᖁᔭᒥᒃ ᓯᖁᒥᑦᓯᐸᑦ ᐅᑭᐅᑭᑦᑐᖅ ᐊᑐᕐᓗᓂ ᐱᑦᔪᔭᐅᒍᑎᒥᓂᒃ 3) ᐅᑭᐅᑭᑦᑐᖅ ᓈᒻᒪᓈᖕᖏᑐᓕᑉᐸᑦ ᖃᕆᑕᐅᔭᑎᒍᑦ.
11. ᓵᑕᑦᓴᐅᖏᓐᓂᖅ. ᓂᐅᕕᕐᑐᖅ ᐊᖏᕐᑐᖅ ᑕᒫᓂ ᖃᕆᑕᐅᔭᑎᒍᑦ ᐱᑐᑦᓯᒪᖃᑎᒌᑦᑎᓯᒍᑎᖓ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐅᕝᕙᓘᓐᓃᑦ ᐱᑕᖃᕐᑎᓯᔫᑉ ᐃᓚᒋᓕᐅᑎᓯᒪᔨᐊᖏᑦ ᖃᓄᕐᓘᓃᑦ ᓵᑕᑦᓴᐅᖏᓐᓂᖏᓐᓂᒃ ᓱᒃᑯᑕᐅᔪᖃᕐᐸᑦ, ᑐᕃᓐᓇᑐᒃᑯᑦ ᑐᕃᓐᓇᖏᑦᑐᑯᓘᓐᓃᑦ ᐱᑦᔪᑎᓕᓐᓄᑦ ᐅᑯᓄᖓ 1) ᐱᑦᔪᔭᐅᒍᑎᓯᓂᒃ ᐊᑐᕐᓂᖓᓄ ᐅᕝᕙᓘᓐᓃᑦ ᐊᑐᕐᖃᔭᖕᖏᓂᖓᓄᑦ, 2) ᓂᐅᕕᕐᓯᒪᔪᒧᑦ ᐊᑐᖁᔭᐅᖕᖏᑐᐃᑦ ᐱᑐᑦᓯᒪᒍᑎᖓᓄᑦ ᐅᕝᕙᓘᓐᓃᑦ ᐊᑐᕈᓐᓇᕕᖓᓄᑦ ᐅᕝᕙᓘᓐᓃᑦ 3) ᓱᓇᑐᐃᓐᓇᖅ ᐱᑦᔪᑎᓕᒃ ᐱᑦᔪᔭᐅᒍᑎᒧᑦ ᓱᓇᐅᓂᖓ ᓱᕐᖁᐃᑕᐅᒪᒐᓗᐊᕐᐸᑦ ᐱᑦᔪᑎᖓᓂ ᓱᕐᕃᓂᖓᓄᑦ.
12. ᓴᑑᑎᖃᕈᑎᖃᕐᓂᖓ. ᓂᐅᕕᕐᑐᖅ ᐊᖏᕐᑐᖅ ᐱᑦᔪᔭᐅᒍᑎᖓ ᐱᒍᓐᓇᕕᓕᒫᖓᓄᑦ ᐊᔪᐃᓐᓇᕈᑕᐅᒋᐊᖓ ᐊᒻᒪᓗ ᐱᑕᖃᕐᑎᓯᔪᖅ 1) ᓴᑑᑎᖃᕐᑎᓯᖕᖏᑐᖅ ᖃᓄᐊᐱᓪᓘᓃᑦ ᖄᖏᕐᓂᑯᓕᐅᕐᑎᐅᓂᒃᑯᑦ ᐱᑦᔪᔨᒍᑎᒋᒍᓐᓇᑕᒥ ᖃᓄᐃᑦᑑᓂᖓᓄᑦ ᐅᕝᕙᓘᓐᓃᑦ ᓈᒻᒪᓈᕐᓂᖓᓄᑦ ᐱᑦᔪᔨᓂᕐᒥᒍᑦ, ᐅᕝᕙᓘᓐᓃᑦ ᐱᑦᔪᔨᒍᑎᖓ ᖃᓄᓪᓗᑐᐊᐲᒋᐊᖃᕐᒧᑦ ᐊᒻᒪᓗ 2) ᓴᑑᑎᖃᕐᑎᓯᖕᖏᑐᖅ ᐱᑦᔪᔨᓂᖓ ᐊᑐᐃᓐᓇᐅᑎᑕᐅᓪᓗᑐᐊᐱᓂᐊᖕᖏᑐᖅ ᑕᒻᒪᒧᐃᑦᑑᓂᒃᑯᑦ, ᐅᓚᐱᑕᐅᕐᖃᔭᖕᖏᓂᒃᑯᑦ ᐅᕝᕙᓘᓐᓃᑦ ᐊᑦᑕᓀᑦᑑᓂᒃᑯᑦ.
13. ᐃᓱᓕᑎᑕᐅᓂᖅ. ᐱᑕᖃᕐᑎᓯᔪᖅ ᕈᒪᑐᐊᕈᓂ ᐃᓱᓕᑎᑦᓯᒍᓐᓇᑐᖅ ᐱᑦᔪᔨᒍᑎᒥᓂᒃ ᓱᓇᑐᐃᓐᓇᒥᒃ ᐱᑦᔪᑎᓕᒻᒥᒃ ᐃᓚᒋᔭᐅᑎᓪᓗᒍ ᑖᒃᑯᑑᒐᑎᓗ ᓯᖁᒥᑦᓯᔪᖃᕐᐸᑦ ᑖᒃᑯᓂᖓ ᒪᓕᒐᕆᓚᖓᔭᖏᓐᓂᒃ ᐊᒻᒪᓗ ᐱᐅᓯᕆᔭᐅᒋᐊᓕᓐᓂᒃ. ᓂᐅᕕᕐᓯᒪᔪᖅ ᓈᒻᒪᓴᖕᖏᑯᓂ ᐱᑦᔪᔭᐅᒍᑎᒥᓂᒃ ᐅᕝᕙᓘᓪᓖᑦ ᐅᖃᕐᑕᐅᔪᓂ ᑖᑦᓱᒥᖓ ᐊᖏᖃᑎᒌᒍᑎᒥ, ᐱᑦᔪᔭᐅᒍᑎᒥᓂᒃ ᑲᔪᓯᑎᑦᓯᒍᓐᓀᕕᑐᐊᓖᑦ.
14. ᓱᒃᑯᑕᐅᔪᕕᓂᕐᒧᑦ ᐊᑭᓖᒍᑎ. ᑐᑦᓯᕋᕐᓂ ᐊᑑᑎᑦᓴᐸ ᐊ) ᓂᐅᕕᕐᓯᒪᔫᑉ ᐊᑐᕐᓂᖓᓄᑦ ᐊᑐᕐᓂᓗᓐᓂᖓᓄᓪᓘᓃᑦ, ᐅᕝᕙᓘᓐᓃᑦ ᐸ) ᐱᖁᔭᒥᒃ ᓈᓚᖕᖏᐸᑦ ᓂᐅᕕᕐᓯᒪᔪᖅ ᐱᔪᓐᓇᕕᖃᕐᑎᑕᐅᓗᓂ ᐊᓯᐊᓄᑦ ᐅᕝᕙᓘᓐᓃᑦ ᓴᓇᓯᒪᔪᒧᑦ ᓇᒻᒥᓂᖁᑎᓕᒻᒧᑦ; ᓂᐅᕕᕐᓯᒪᔪᖅ ᐊᖏᕐᑐᖅ ᓱᒃᑯᑎᕆᓂᐊᖕᖏᓂᕐᒥᓂᒃ ᐊᒻᒪᓗ ᓱᖏᕐᑐᐃᓱᓂ ᐱᑕᖃᕐᑎᓯᔪᒥᒃ, ᐃᓚᐅᑎᓪᓗᒍ ᓇᒻᒥᓂᖁᑎᓕᒃ, ᐱᓇᓱᖃᑎᖏᑦ, ᑲᒪᔨᖏᑦ, ᐊᐅᓚᑦᓯᔨᖏᑦ, ᐱᓇᓱᑦᑎᖏᑦ, ᓂᐅᕐᕈᓭᔨᖏᑦ ᐅᕝᕙᓘᓐᓃ ᑎᓕᔭᐅᒪᓂᒃᑯᑦ ᐱᓇᓱᑦᑎᐊᖏᑦ ᖃᓄᑐᐃᓐᓇᖅ ᓯᖁᒥᑦᑕᐅᔪᖃᕐᐸᑦ, ᐊᑭᓕᑦᓴᖃᕐᑐᖃᕐᐸᑦ ᐅᕝᕙᓘᓐᓃᑦ ᑮᓇᐅᔭᕐᑑᑎᖃᕐᓂᐸᑦ ᐃᓚᐅᑎᓪᓗᒍ ᐱᖁᔭᓕᕆᔨᖃᕐᓂᒧᑦ ᐊᑭᓖᒍᑏᑦ ᐊᒻᒪᓗ ᐱᖁᔭᓕᕆᓂᑎᒍᑦ ᓇᓪᓕᐊᒍᑐᐃᓐᓇᖅ ᑐᑦᓯᕋᐅᑎᖃᕐᐸᑦ.
15. ᐱᖁᔭᑎᒍᑦ ᐊᑑᑎᒋᐊᓪᓚᕕᖃᖕᖏᐸᑦ. ᑖᒃᑯᐊ ᒪᓕᒐᕆᓚᖓᔭᖏᑦ ᐊᒻᒪᓗ ᐱᐅᓯᕆᔭᐅᒋᐊᓖᑦ ᐃᓗᐃᑦᑑᓂᕃᒍᑕᐅᔪᑦ ᐱᑕᖃᕐᑎᓯᔫᑉ ᐊᒻᒪᓗ ᓂᐅᕕᕐᑑᑉ ᐊᖏᖃᑎᒌᒍᑎᖓᓂ. ᑖᑦᔪᒪ ᐊᖏᖃᑎᒌᒍᑎᐅᑉ ᐃᓗᓕᖏᓐᓃᑐᐃᑦ ᐊᑑᑎᒋᐊᓪᓚᕕᖃᖕᖏᓂᕋᕐᑕᐅᐸᑕ ᐃᕐᖃᑐᐃᕕᒻᒥ ᐅᕝᕙᓘᓐᓃᑦ ᐱᖁᔭᑎᒍᑦ ᑲᒪᒋᔭᖃᕐᑎᑕᐅᓂᕐᒥ, ᐊᓯᓕᒫᖏᑦ ᐃᓗᓕᖏᓐᓃᑐᑦ ᐊᑑᑎᑎᑕᐅᖏᓐᓇᓂᐊᕐᑐᑦ.
16. ᑐᕌᕐᓂᓕᐅᕐᓂᖅ. ᓂᐅᕕᕐᑐᖅ ᑐᕌᕐᑎᓯᓂᐊᖕᖏᑐᖅ ᐃᓘᓐᓇᖓᓂᒃ ᐅᕝᕙᓘᓐᓃᑦ ᐃᓓᓐᓇᖓᓂᒃ ᐱᔪᓐᓇᐅᑎᒥᓂᒃ ᐅᕝᕙᓘᓐᓃᑦ ᑲᔪᓯᑎᒋᐊᓕᒻᒥᓂᒃ ᑕᒡᒐᓂ ᐊᖏᖃᑎᒌᒍᑎᒥ ᐊᓪᓚᓯᒪᔪᖃᕐᑎᓇᒍ ᐱᑕᖃᕐᑎᓯᔫᑉ ᐊᖏᕐᓯᒪᓂᖓᓂ.
17. ᐊᐅᓚᑕᐅᕕᖓ. ᑖᓐᓇ ᐊᖏᖃᑎᒌᒍᑎᒃ ᐊᐅᓚᑕᐅᔪᖅ ᐊᑑᑎᔭᐅᒍᓐᓇᑐᓂᒃ ᑯᐯᒃ ᐱᖁᔭᖏᑦᑕ ᐊᐅᓚᑕᐅᕕᖓᓂ.
18. ᐅᖃᐅᓯᖅ. ᐊᑎᓕᐅᕐᑐᐃᑦ ᐊᖏᕐᑐᑦ ᑖᑦᓱᒪ ᐊᖏᖃᑎᒌᒍᑎᐅᑉ ᐊᓪᓚᑕᐅᒋᐊᖕᖓᓂᐊᕐᑎᓗᒍ ᖃᓪᓗᓈᑎᑐᑦ.
ᐊᓪᓚᑕᐅᔪᖅ ᒪᓕᑦᑐᖅ ᐊ) ᐅᖃᕐᑕᐅᒪᑦ 9 ᐊᑖᓂ ᑖᑦᓱᒪᓂ ᐊᓪᓚᑕᐅᒪᔪᒥ, ᐱᑦᔪᔭᐅᒍᑎ ᓂᐅᕕᕐᑐᒥ ᐁᑦᑐᐃᔪᖅ ᐱᓇᓲᑎᒥᒃ ᐊᑐᕐᑕᐅᒋᐊᓕᒻᒥᒃ ᑎᒍᓯᒍᓐᓇᓯᑎᓗᒍ ᐱᑕᓕᕕᓂᐅᑉ ᐱᑐᑦᓯᒪᐅᑎᖓᑕ ᐱᑦᔪᔭᐅᒍᑎᖓᓂᒃ. ᑖᓐᓇ ᐊᓪᓚᑕᐅᒪᔪᖅ ᒪᓕᑦᑐᖅ ᓄᐃᑕᑎᑦᓯᔪᖅ ᐊᑭᖏᓐᓂᒃ ᐱᓇᓲᑎᒥᒃ ᑕᐅᕐᑎᓰᒍᑎᓄᑦ ᓂᐅᕕᕐᑑᑉ ᐊᖏᕐᓯᒪᓂᐊᕐᑕᖓᓂ ᑲᒪᓂᕋᕐᓂᐊᑎᓪᓗᒍ ᓱᒃᑯᑕᐅᔪᕕᓕᐅᑉᐸᑦ ᐅᕝᕙᓘᓐᓃᑦ ᐅᑎᕐᑎᓯᑉᐸᑦ ᐱᓇᓲᑎᒥᒃ ᐊᑐᕐᖃᔦᕐᓯᒪᔪᒥᒃ.
FIBER
| ONT | $435 |
| Wall Bracket (with RJ45 cable run) | $75 |
| Connector to ONT (including power cable) | $25 |
| Drop | $175 |
LTE
| Modem | $355 |
| Antenna/Power | $43 |
| SIM Card | $20 |