ᐱᒍᑦᔭᐅᔪᓂᒃ ᐱᑦᔪᔨᒍᑎᖏᓐᓄᑦ ᐅᓐᓂᓘᑏᑦ
ᑕᒫᓂᒃᑯᑦ ᓯᕗᓂᖃᕋᓱᐊᕐᑐᑦ ᓈᒻᒪᓴᑦᓯᐊᖁᓪᓗᓯ ᐃᓕᑦᓯ ᖃᕆᑕᐅᔭᑎᒍᑦ ᑐᓴᐅᒪᒍᑎᖃᕐᑎᓯᓂᒃᑯᑦ ᐊᑐᕐᑕᐅᓯᐊᕈᓐᓇᑐᒥᒃ ᐃᓄᓐᓄᑦ. ᐊᓪᓚᒍᑎᖃᕈᒪᒍᑦᓯ ᐅᓐᓂᓘᑎᓂᒃ ᑐᓴᕐᑎᓯᒍᒪᒍᑦᓯᓘᓐᓃᑦ ᖃᕆᑕᐅᔭᑎᒍᑦ ᐱᒍᑦᔨᓂᑦᑎᓄᑦ, ᐅᕙᑦᑎᓄᑦ ᐅᖄᓚᖁᔨᕗᒍᑦ ᐃᓕᑦᓯᓂᒃ.
ᐊᓪᓗᕕᐅᒋᐊᓕᒃ 1; ᐱᒍᑦᔭᐅᔪᓂᒃ ᐱᑦᔪᔨᓲᑦ ᐅᖄᓚᕕᒋᓗᒋᑦ
ᐱᒍᑦᔭᐅᔪᓂᒃ ᐱᑦᔪᔨᕕᖓ ᐅᖄᓚᕕᒋᓗᒋᑦ: 1-888-826 2264.
ᑌᒪ ᐊᐱᕆᒍᓐᓇᓯᓂᐊᕐᐳᑎᑦ ᑐᓴᕐᑎᓯᓗᑎᓪᓘᓃᑦ ᐱᓀᓗᑕᕐᒥᒃ ᑕᒫᓂᒃᑯᑦ ᐱᓇᓱᑦᑎᖓᓄᑦ. ᐅᓄᕐᓂᓴᓂᒃ ᐱᓀᓗᑕᕐᓂᒃ ᑕᕝᕘᓇ ᐊᕐᕿᑕᐅᑦᓴᐅᑎᒋᒍᓐᓇᓲᖑᒐᓗᐊᑦ. ᑭᓯᐊᓂᓕ, ᐱᓀᓗᑕᕐᒥᒃ ᐊᕐᕿᑕᐅᒐᓱᐊᕐᑐᒥᒃ ᓇᒻᒪᓴᖕᖏᑯᕕᑦ, ᐊᖓᔪᕐᖄᖑᓂᕐᓴᒧᑦ ᐅᖄᕕᖃᕈᒪᒍᓐᓇᖁᑎᑦ. ᐊᕐᕿᒍᑎᑦᓴᐅᑎᑕᐅᒐᓱᐊᕐᓯᒪᔪᓂᒃ ᐃᓱᐃᓪᓕᐅᕈᑎᖃᖏᓐᓇᕈᕕᑦ, ᐊᓪᓗᕕᐅᒋᐊᓕᒃ 2-ᖓᓅᕐᓗᑎᑦ.
ᐊᓪᓚᕕᐅᒋᐊᓕᒃ 2: ᐅᓐᓂᓘᑎᑎᑦ ᖃᕆᑕᐅᔭᕐᑎᒍᑦ ᐊᐅᓪᓚᑎᓗᒋᑦ
ᐱᓀᓗᑕᕐᒥᒃ ᐊᕐᕿᑕᐅᔪᖃᕋᑕᖕᖏᐸᑦ ᓇᒻᒪᒋᔭᕐᓄᑦ, ᑕᑕᕐᓴᓗᒋᑦ ᐅᑯᐊ online form. ᐃᓱᐃᓪᓕᐅᕈᑎᑎᓐᓂᒃ ᐊᓪᓚᓗᑎᑦ ᐅᕗᖓ “ᑐᓴᕋᑦᓴᑕᓕᖓᓂ” (message section). 48 ᑫᕙᓪᓚᒍᓰᑦ ᓈᓚᐅᕐᑎᓇᒋᑦ ᑕᑕᕐᓴᓯᒪᔭᑎᑦ ᐱᔭᐅᓯᒪᓕᕐᐸᑕ, ᐱᓇᓱᑦᑎᒧᑦ ᐅᖄᓚᕕᐅᓂᐊᕐᑐᑎᑦ ᐃᑲᔪᕋᓱᐊᕐᓂᐊᑐᒥᒃ ᑕᒪᑦᓱᒧᖓ ᐊᕐᕿᑕᐅᖁᔭᕐᓄᑦ. ᓱᓕ ᐊᕐᕿᑕᐅᔪᖃᕋᑕᕐᓂᐊᖏᑉᐸᑦ, ᐊᓪᓗᕕᐅᒋᐊᓕᒃ 3-ᖓᓅᓯᓗᑎᑦ.
ᐊᓪᓚᕕᐅᒋᐊᓕᒃ 3: ᐊᓪᓚᓯᒪᔪᓂᒃ ᐅᓐᓂᓘᑎᓂᒃ ᐋᑦᓯᓗᓂ ᐱᒍᑦᔭᐅᔪᓂᒃ ᐱᑦᔪᔨᕕᐅᑉ ᑲᒪᔨᖏᓐᓄᑦ
ᓂᐳᕋᑕᖕᖏᑯᕕᑦ, ᐊᓪᓚᓯᒪᔪᓂᒃ ᐅᓐᓂᓘᑎᓂᒃ ᐊᓪᓚᑖᕐᕕᑯᑦ ᐊᐅᓪᓚᑎᑦᓯᒍᓐᓇᒥᔪᑎᑦ ᓯᓚᑎᒧᑦ ᐊᑖᓂ ᐊᓪᓚᑕᐅᒪᔪᕐᒧᑦ, ᐅᕝᕙᓘᓐᓃᑦ ᖃᕆᑕᐅᔭᕐᑎᒍᑦ ᐅᓐᓂᓘᑎᓂᒃ ᐊᐅᓪᓚᑎᑦᓯᒍᓐᓇᒥᑦᓱᑎᑦ ᐅᕗᖓ: support@tamaani.ca.
Customer Service Management
Tamaani Internet, KRG
NAYUMIVIK LANDHOLDING Co. Building
1140 Immirtavik Road
Kuujjuaq
J0M 1C0
ᐅᖃᐅᓯᕆᓗᒋᑦ ᐱᑦᔪᑎᑎᑦ ᑐᑭᓯᑎᑦᓯᒋᐊᕐᓗᑎᓪᓗ ᓱᒧᑦ ᑕᒪᒃᑯᐊ ᐊᕐᕿᒍᑎᑦᓴᓕᐊᖑᒐᓱᐊᕐᑐᑦ ᓱᖏᐅᑎᑑᒻᒪᖔᕐᐱᑦ ᓱᓕ. 2-ᓂᒃ ᐅᓪᓗᓂᒃ ᐊᓪᓚᓯᒪᔭᑎᓐᓂᒃ ᐱᔭᐅᔪᖃᕐᓯᒪᓕᕐᐸᑦ, ᐱᒍᑦᔭᐅᔪᓂᒃ ᐱᑦᔪᔨᔩᑦ ᑲᒪᔨᖓᓄᑦ ᐅᖄᓚᕕᐅᓂᐊᕐᐳᑎᑦ ᐊᕐᕿᑕᐅᖁᔭᕐᓂᒃ ᑲᒪᓂᐊᕐᑐᒧᑦ.
ᑲᒥᓴᓀᑦ ᐅᓐᓂᓗᑦᑐᓂᒃ ᑲᒪᔨᓂᒃ ᐅᖃᓕᐅᑏᑦ-ᑕᓚᕖᓴᕐᓂᒃ ᐱᒍᑦᔨᒍᑎᓄᐊᖓᔪᓄᑦ
ᑖᒃᑯᐊ ᑲᒥᓯᓀᑦ ᐃᒻᒥᓂᕿᔫᑦᓱᑎᒃ ᐱᑦᔪᔨᔨᐅᕗᑦ ᑎᓕᔭᐅᒪᒍᑎᖃᕐᓱᑎᒃ ᐊᑭᖃᖕᖏᑐᒥᒃ ᑐᑭᑖᕆᒋᐊᖃᕐᑎᓗᒍ ᐅᓐᓂᓘᑎᒋᔭᐅᔪᓂᒃ ᑕᒪᒃᑯᓄᖓ ᐊᑐᓲᓄᑦ ᐅᖃᓕᒪᐅᑎᓂᒃ ᑕᓚᕕᓴᖃᕐᑎᑕᐅᒍᑎᓂᓪᓗ, ᐊᒻᒪᓗ ᑕᒪᒃᑯᓇᖕᖓᑦ ᒥᑭᔪᓂᒃ ᐱᔅᓇᓯᓕᓐᓂᑎ ᐅᓐᓂᓘᑎᖃᑐᐊᕐᒪᑕ ᑐᓴᐅᒪᒍᑎᓕᕆᐅᑎᓄᑦ ᐱᒍᑦᔭᐅᒍᑎᖏᓐᓄᑦ, ᐅᓐᓂᓗᒍᑎᑦᓴᖃᕈᕕᑦ, ᐊᕐᕿᕋᓱᐊᖃᑎᒋᕐᖄᓗᒋᑦ ᐱᒍᑦᔨᓲᑦ. ᑕᒪᓐᓇᐅᓯᒪᒐᓗᐊᕐᐸᑦ ᓂᐳᕋᑕᖕᖏᑯᕕᑦ ᓱᓕ, ᑖᒃᑯᐊ ᑲᒥᓯᓀᑦ ᐃᓕᓐᓂᒃ ᐃᑲᔪᕐᓯᑐᐃᓐᓇᕆᐊᖃᕋᔭᕐᑐᑦ.
ᑖᒃᑯᐊ ᑲᒥᓯᓀᑦ ᒥᑦᓵᓄᑦ ᖃᐅᔨᒋᐊᕈᒪᒍᕕᑦ ᖃᕆᑕᐅᔭᒃᑯᑦ ᑕᑯᒋᐊᕈᓐᓇᑕᑎᑦ ᐅᕙᓂ www.ccts-cprst.ca ᐅᕝᕙᓘᓐᓃᑦ ᐊᑭᖃᖕᖏᑐᒧᑦ ᐅᖄᓚᓗᑎᑦ ᐅᕗᖓ 1-888-221-1687.