ᐱᕐᕈᓯᕗᑦ
ᐱᓇᓱᐊᒐᕗᑦ
ᐱᓇᓱᐊᒐᖃᕐᑐᒍᑦ ᐱᑎᑦᓯᓂᕐᒥᒃ ᓄᓇᕕᐅᑉ ᐃᓄᖏᓐᓂᒃ, ᖃᑭᓴᐅᑎᖏᓐᓂᒃ ᐊᒻᒪᓗ ᑎᒥᖁᑎᖏᓐᓂᒃ ᐳᕿᐊᓇᖕᖏᑐᒥᒃ ᐊᒻᒪᓗ ᑮᓇᐅᔭᕐᑎᒍᑦ ᐅᓇᒻᒥᓇᕐᑐᒥᒃ ᐱᒍᑦᔨᓂᕐᒥᒃ. ᑌᒣᓐᓂᐊᕋᑦᑕ, ᑌᒪᖕᖓᓕᒫᖅ ᐋᕐᕿᒋᐊᓪᓚᑖᑎᑦᓯᔪᒍᑦ ᐃᖏᕐᕋᑎᑦᓯᓂᑦᑎᓂᒃ ᐃᓂᓪᓚᖓᒍᑕᐅᔪᑦ ᐊᓯᑦᔨᐸᓪᓕᐊᓂᖏᓐᓄᑦ ᐅᑭᐅᕐᑕᑐᑦ ᐊᕙᑎᖏᓐᓂ. ᑕᒫᓂᒃᑯᓂ, ᑲᑦᓱᙰᒍᑎᖃᕐᐳᒍᑦ ᐃᓪᓗᒥᓂ ᐊᒻᒪᓗ ᑮᓇᐅᔭᓕᐅᕐᕕᓂ ᐊᑐᕐᑎᑕ ᐱᔪᓐᓇᑕᓕᒫᒥᓂᒃ ᐱᓂᖓᓂᒃ ᖃᕆᑕᐅᔭᓄᑦ ᐱᑐᕝᕕᒥᒃ ᐊᑐᕐᓂᒥᒍᑦ. ᓱᒧᑦ? ᐃᓱᒪᒐᑦᑕ ᖃᕆᑕᐅᔦᑦ ᐱᑐᕝᕕᖓ ᐊᑐᕐᓗᓂ ᑭᓯᐊᓂᐅᒋᐊᖓ ᓇᒻᒥᓂᖅ ᐃᓅᓂᕐᒥᒍᑦ ᐊᒻᒪᓗ ᑮᓇᐅᔭᖃᕐᓂᒥᒍᑦ ᐱᕙᓪᓕᐊᓂᖏᓐᓄᑦ.
ᑕᐅᑐᒐᕗᑦ
ᑕᐅᑐᒐᖃᕐᖁᒍᑦ ᐱᖕᖑᐃᓂᕐᒥᒃ ᓄᑖᔭᓂᒃ ᖃᕆᑕᐅᔦᑦ ᐱᑐᕝᕕᖓᓄᑦ ᓇᑉᐸᑎᕐᓯᒪᔪᖁᑎᓂᒃ ᓄᓇᕕᐅᑉ ᐱᒋᔭᖏᓐᓂ. ᖃᓂᖕᖏᑐᒥᒃ ᐅᖃᖃᑎᒌᒍᑏᑦ ᐃᑳᕈᑕᐅᕗᑦ ᐅᖓᓯᑦᑐᐊᓗᓐᓂᒃ ᐊᒻᒪᓗ ᐃᑲᔪᕐᑐᒪᕆᐊᓘᕗᑦ ᐃᑯᓪᓚᑎᑦᓯᓂᒃᑯᑦ ᐃᓄᐃᓪᓕᐅᓂᕐᒥᒃ. ᐅᐱᓐᓇᕋᓂ, ᐃᓱᒪᔪᒍᑦ ᖃᕆᑕᐅᔦᑦ ᐱᑐᕝᕕᖓᓂᒃ ᐊᑐᓪᓗᑐᑦᓯᐊᓱᓂ ᐱᑐᒍᑎᑎᑐᑦ ᓯᓚᕐᔪᐊᒧᑦ ᐊᒻᒪᓗ ᓄᓇᕐᔪᐊᒥᐅᖑᖃᑎᓄᑦ. ᐊᕐᕌᒍᐃᑦ ᐊᕙᑎᑦ ᑕᓪᓕᒪᐅᓈᕐᑎᑐᑦ 21-ᖓᓂ, ᖃᕆᑕᐅᔭᓄᑦ ᐱᑐᕝᕕᒃ ᐊᑐᕆᐊᖃᓪᓚᕆᑦᓱᓂ ᓴᓇᕐᕈᑕᐅᓕᕐᑐᖅ ᓯᕗᒧᐊᕈᑕᐅᓗᓂ ᖃᓄᑐᐃᓐᓇᖅ ᐊᒻᒪᓗ ᐊᖏᔪᐊᓗᒻᒥᒃ ᐊᑑᑎᖃᓕᕐᓱᓂ ᐊᑐᓪᓗᑐᕆᐊᓕᓐᓂ ᐱᓇᓱᐊᒐᕐᓂ ᓄᓇᓕᑦᑕ ᐃᓗᐊᓂ ᐆᑦᑑᑎᒋᓗᒋᑦ ᐃᓗᓯᓕᕆᓂᕐᒥ, ᐃᓕᓐᓂᐊᓂᕐᒥ, ᒪᑭᑕᐅᑎᓕᕆᓂᕐᒥ, ᐃᕐᖃᑐᐃᓂᕐᒥ, ᐊᒻᒪᓗ ᐃᓗᕐᖁᓯᓕᕆᓂᕐᒥ.
ᑕᖏᕐᒥ ᐃᕐᓕᕆᔭᕗᑦ
- ᐅᑉᐱᐳᒍᑦ ᖃᓂᖕᖏᑐᒧᑦ ᐅᖃᖃᑎᒌᒍᑎᓄᑦ ᓇᑉᐸᑎᕐᓯᒪᔪᐃᑦ ᓄᓇᕕᒻᒥ ᐃᓄᓕᒫᓄᑦ ᐱᐅᔫᓂᖓᓂᒃ ᐊᑐᕐᑐᓴᐅᑦᓱᑎᒃ ᐱᕙᓪᓕᑎᑦᓯᒍᑎᒋᓗᒋᑦ ᓄᓇᕕᒻᒥᐅᑦ ᐃᓅᓯᖏᓐᓂᒃ. ᑕᒪᒃᑯᐊ ᓇᑉᐸᑎᕐᓯᒪᔪᑦ ᐱᒋᔭᐅᒋᐊᓖᑦ ᐅᑭᐅᕐᑕᑐᒥ ᑯᒻᒪᓲᑎᓕᓐᓄᑦ ᐱᕙᓪᓕᖁᑕᐅᓂᐊᕐᒪᑕ ᓄᓇᓕᒫᒥ, ᑮᓇᐅᔭᑎᒍᑦ ᖃᑭᓴᐅᑕᐅᒍᓐᓀᓗᑎᒃ ᑐᖕᖓᕖᕐᓯᒪᔪᓄᑦ ᓲᕐᓗ.
- ᐅᑭᐅᕐᑕᑐᒥᐅᑦ ᐃᓱᐊᕐᓈᑐᒦᓐᓂᐸᐅᒐᒥᒃ ᑐᑭᓯᒪᓂᕐᐸᐅᕗᑦ ᐅᑭᐅᕐᑕᑐᒥᒃ ᐊᒻᒪᓗ ᑌᒣᑦᓱᑕ, ᐃᖏᕐᕋᑎᑦᓯᓲᖑᕗᒍᑦ ᑕᒫᓂᒃᑯᑦ ᐱᑐᑦᓯᒪᐅᑎᕕᖓᓂᒃ ᓄᓇᕕᐅᑉ ᐃᓗᐊᓂᒃ. ᐅᑉᐱᐳᒍᑦ ᐱᓪᓗᑯᑦᑐᓕᕆᔨᑦᑕ ᐊᒻᒪᓗ ᓴᓇᔨᑦᑕ ᐱᒍᑦᔨᓯᐊᕐᓂᓴᐅᓚᖓᓂᖓᓂᒃ ᐃᓄᓐᓂᒃ ᓄᓇᕕᒻᒥᐅᓂᒃ ᐊᑐᕆᐊᖃᕐᒥᒍᑎᓪᓕ ᐱᑐᑦᓯᒪᐅᑎᕕᒻᒥᒃ ᐊᐅᓚᑕᒥᓂᒃ.
- ᐅᑉᐱᐳᒍᑦ ᑲᕙᒪᒃᑯᑦ ᐊᑐᓪᓚᕆᓪᓗᑎᒃ ᐊᑑᑎᖃᕐᑐᓴᐅᓂᖓᓂᒃ ᓱᕐᖁᐃᓂᕐᒧᑦ ᖃᕆᑕᐅᔦᑦ ᐱᑐᕝᕕᖓᓄᑦ ᐱᑦᔪᔨᒍᑎᖃᕐᓂᖓᓂᒃ ᓄᓇᕕᒻᒥᐅᓄᑦ ᐊᑯᓂᐅᔪᕐᑎᒍᑦ, ᐊᒻᒪᓗ ᑕᒪᓐᓇ ᐱᑦᔪᑎᒋᓗᒍ ᐱᖃᑎᒌᓐᓂᑯᑦ ᐱᓇᓱᖃᑎᖃᓲᖑᕗᒍᑦ ᑲᕙᒪᑐᖃᒃᑯᓂᒃ ᑯᐯᒃᑯᓗ ᑲᕙᒪᖓᓂᒃ ᓱᕐᖁᐃᕋᓱᑦᓱᑕ ᖃᓂᖕᖏᑐᒧᑦ ᐅᖃᖃᑎᒌᒍᑏᑦ ᐱᑎᑕᐅᓂᖓᓂᒃ ᑮᓇᐅᔭᓂᒃ ᓈᒻᒪᑐᓂᒃ ᓯᕗᓂᕐᒥ ᐱᕙᓪᓕᐊᓂᕆᒋᐊᓕᖓᓄᑦ.