ᐃᓱᐃᓪᓕᕈᑎᕐᓯᐅᓂᖅ

ᖃᕆᑕᐅᔦᑦ ᐱᑐᕝᕕᖓᓄᑦ ᐱᑦᔪᔭᐅᓂᓯ ᓱᒃᑫᓗᐊᕐᑐᖅ:

ᖃᕆᑕᐅᔦᑦ ᐱᑐᕝᕕᖓᓄᑦ ᐱᑦᔪᔭᐅᓂᓯ ᓱᒃᑫᓕᓯᒪᒍᓐᓇᐳᖅ ᐱᑦᔪᑎᖃᕐᓗᓂ ᐊᑕᐅᓯᐅᖕᖏᑐᓂᒃ

  • ᐊᒥᓱᑦ ᐊᑐᕐᓂᖓᑦ ᑖᑦᓱᒥᖓᑦᓭᓇᖅ ᑐᕌᕐᑎᓯᒍᑎᒥᒃ/ᐱᑐᒍᑎᒥᒃ. ᐃᓄᐃᑦ ᐊᑐᕐᑐᑦ ᑖᑦᓱᒥᖓᑦᓭᓇᖅ ᐱᑐᑦᓯᒪᒍᑎᒥᒃ ᐊᓲᓕᕙᓪᓕᐊᓂᖓᑦ ᒪᓕᑦᓱᒍ, ᑖᓐᓇ ᐱᑐᑦᓯᒪᒍᑎᖓ ᓱᒃᑫᓕᕙᓪᓕᐊᔫᔮᓚᖓᔪᖅ.
  • ᐃᒻᒥᓃᓐᓇᖅ ᓄᑕᐅᓯᓕᑎᕈᑏᑦ. ᐃᓚᖓᓂ ᐊᑐᖕᖏᑲᓗᐊᕈᕕᑦ ᖃᕆᑕᐅᔭᕐᓂᒃ/ᐅᖃᓕᒪᐅᑎᓐᓂᒃ/ᐊᓯᐊᓂᓪᓘᓃᑦ, ᐱᑐᑦᓯᒪᑐᐃᓐᓇᕆᐊᓕᒃ ᖃᕆᑕᐅᔦᑦ ᐱᑐᕝᕕᖓᓄᑦ ᑎᒍᓚᐅᒐᕐᓗᓂᓗ ᓄᑕᐅᓯᓕᑎᕈᑎᓂᒃ, ᑕᒪᓐᓇᓗ ᐱᑐᑲᑦᑕᓂᕐᒥᒃ ᓱᒃᑫᓂᕐᓴᐅᔮᕐᑎᓯᒍᓐᓇᓱᓂ.
  • ᖄᖏᐅᑎᓯᒪᔪᑎᑦ ᑕᕐᕿᑕᒫᑦ ᐊᑐᕋᑦᓴᐱᑦ ᐃᓱᓕᕕᖓᓂᒃ. ᖃᐅᔨᒋᐊᕈᓐᓇᑐᑎᑦ ᐊᑐᕐᓯᒪᓕᕐᑕᓂᐅᕕᑦ ᐅᕙᓂwww.tamaani.ca ᐅᕝᕙᓘᓐᓃᑦ ᐅᖃᓕᒪᓗᑎᑦ ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ ᐅᕙᓂ 1-888-Tamaani (826-2264).
  • ᐊᐅᓪᓚᑎᑦᓯᒍᑎᒥ ᐃᑯᒣᑦ ᐃᑯᒪᖕᖏᑐᑦ:
  • ᑕᑯᖕᖏᓚᑏᑦ ᐃᑯᒪᓂᒃ ᐊᐅᓪᓚᑎᑦᓯᒍᑎᒥ ᐃᑭᑦᑐᓂᒃ? ᖃᐅᔨᒋᐊᕐᓗᑎᑦ ᐃᑯᒪᐅᒻᒧᑦ ᑲᑉᐳᑎᑦᑕᑐᖓ ᑲᑉᐳᑎᓯᒪᒐᓗᐊᕐᒪᖔᑦ ᑕᒪᖏᓐᓄᑦ ᐊᐅᓪᓚᑎᑦᓯᒍᑎᒧᑦ ᐊᒻᒪᓗ ᐊᑭᓐᓇᒥ ᑲᑉᐳᔭᕐᕕᒧᑦ. ᑖᓐᓇ ᑲᓱᕐᓂᖓ ᖃᓄᐃᑦᑑᔮᕐᑎᓇᒍ ᐃᑭᒣᑦ ᐃᑭᖕᖏᐸᑕ, ᐅᖃᓕᒪᓗᑎᑦ ᓄᓇᓕᓯᓐᓂ ᑭᒡᒐᑐᕐᑎᒧᑦ ᐅᕝᕙᓘᓐᓃᑦ ᐅᖃᓕᒪᓗᑎᑦ ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ ᐅᕙᓂ 1-888-Tamaani (826-2264).
  • ᐅᐊᔭᖃᖕᖏᑐᒥᒃ ᑐᓵᓂᐅᑉ ᖃᐅᔨᒪᓇᕈᑎᖓ ᐃᑭᑦᑕᓛᖏᓐᓇᓕᒫᕐᑐᖅ:
  • ᑖᑦᓱᒪ ᖃᐅᔨᒪᓇᕈᑎᐅᑉ ᐃᑭᑦᑕᓛᓂᖓ ᑐᑭᓕᒃ ᐊᐅᓪᓚᑎᑦᓯᒍᑎᐅᑉ ᐊᑦᓱᖏᕈᓐᓇᖏᓐᓂᖓᓂᒃ ᐅᕝᕙᓘᓐᓃᑦ “ᑕᑯᒍᓐᓇᖏᓐᓂᖓᓂᒃ” ᓇᐸᔪᒥᒃ. ᐊᐅᓪᓚᑎᑦᓯᒍᑎᓯ ᓅᑲᑦᑕᓗᒍ ᐃᓪᓗᓯ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ ᑕᑯᓇᓱᓪᓗᓯ ᐊᑦᓱᖏᕐᕕᖃᕈᓐᓇᒪᖔᑦ ᐊᒻᒪᓗ ᐃᑭᑦᑕᓛᒍᓐᓀᓚᖓᒻᒪᖔᑦ ᐊᓯᐊᓃᓪᓗᓂ ᐃᓂᒥ ᐃᓪᓗᓯ ᐃᓗᐊᓂ. ᑕᒪᓐᓇ ᓱᕙᓪᓕᖁᑕᐅᖕᖏᐸᑦ ᐅᖃᓕᒪᓗᑎᑦ ᓄᓇᓕᓯᓐᓂ ᑭᒡᒐᑐᕐᑎᒧᑦ ᐅᕝᕙᓘᓐᓃᑦ ᐅᖃᓕᒪᓗᑎᑦ ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ ᐅᕙᓂ 1-888-Tamaani (826-2264).
  • ᐊᐅᓪᓚᑎᑦᓯᒍᑎᐅᑉ ᐃᑯᒪᓕᒫᖏᑦ ᐃᑯᒪᑦᓯᐊᑐᑦ ᑭᓯᐊᓂ ᖃᕆᑕᐅᔦᑦ ᐱᑐᕝᕕᖓ ᓱᕐᖃᔭᖕᖏᑐᖅ:
  • ᐊᐅᓪᓚᑎᑦᓯᒍᑎ ᑕᑯᑦᓱᒍ ᐊᑐᕈᓐᓇᓯᐊᕈᓇᐅᔪᖅ, ᑭᓯᐊᓂ ᐱᑐᒍᓐᓇᖏᑦᑐᑎᑦ ᓱᓕ. ᓇᓚᐅᓐᓂᓴᕆᓗᒍ, ᐅᐊᔭᖃᖕᖏᑐᒥᒃ ᑲᓱᕈᑎᖃᕐᑐᑎᑦ ᐊᐅᓪᓚᑎᑦᓯᒍᑎᓐᓂ, ᑭᓯᐊᓂ ᖃᕆᑕᐅᔦᑦ ᐱᑐᕝᕕᖓᓄᑦ ᐊᒻᒪᕈᓐᓇᖏᑦᑐᑎᑦ. ᑕᒪᓐᓇ ᐃᓱᐃᓪᓕᖓᔪᖅ ᐋᕐᕿᓚᖓᓗᒍ, ᐊᐅᓪᓚᑎᑦᓯᒍᑏᑦ ᑲᑉᐳᔮᑫᓐᓇᓗᒍ ᐅᑕᕐᕿᓗᑎᓪᓗ 15-ᓂᒃ ᓯᕿᕐᖑᔭᐅᑉ ᓱᑲᓐᓂᐹᖓᑕ ᓂᒫᓪᓚᓂᖏᓐᓂᒃ. ᑕᒪᑐᒪ ᑭᖑᓂᖓᓂ, ᐊᐅᓪᓚᑎᑦᓯᒍᑎ ᑲᑉᐳᑎᒋᐊᓪᓚᓗᒍ ᐊᒻᒪᓗ ᖃᐅᔨᒪᓇᕈᑏᑦ ᐃᑯᒪᓕᒫᖏᑦ ᐃᑭᑦᓯᐊᕆᑫᓐᓇᓗᒋᑦ ᖃᒥᑦᑕᕈᓐᓀᓗᑎᒃ. ᑕᒪᓐᓇ ᐃᖏᕐᕋᓯᑎᑦᓯᒋᐊᑦᓯᐊᓂᖅ ᐊᐅᓪᓚᑎᑦᓯᒍᑎᒥᒃ ᐅᑎᕐᑎᓯᓚᖓᔪᖅ ᐱᐅᓯᕐᓱᓗᓂ ᐊᑐᕈᓐᓇᓂᕐᒧᑦ. ᐃᓱᐃᓪᓕᖓᑉᐸᑦ ᓱᓕ ᐅᖃᕐᓗᑎᑦ ᓄᓇᓕᓯᓐᓂ ᑭᒡᒐᑐᕐᑎᒧᑦ ᐅᕝᕙᓘᓐᓃᑦ ᐅᖃᓕᒪᓗᑎᑦ ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ ᐅᕙᓂ 1-888-Tamaani (826-2264).

ᐃᕙᓘᔭᒥᒃ ᐊᑐᕐᑐᑦ:

ᐱᑦᔪᔨᒍᑎ ᐱᑕᖃᖕᖏᑐᖅ:

ᑕᒪᓐᓇ ᐊᒥᓱᓂᒃ ᐊᐅᓚᑎᖃᕈᓐᓇᑐᖅ, ᖃᓗᓗᒋᑦ ᐃᑯᒪᐅᑎᖃᖕᖏᓂᖅ ᐃᕙᓘᔭᓕᖓᓂ, ᐊᑦᓱᓈᖓᑕ ᐃᕙᓘᔭᓕᒻᒧᑦ ᐅᑎᕐᑕᑑᑉ ᐃᓱᐃᓪᓕᖓᓂᖓ, ᐊᒻᒪᓗ ᐱᑐᑦᓯᒪᐅᑎᒍᑏᑦ ᐃᓱᐃᓪᓕᖓᐅᑎᖏᑦ. ᐊᒥᓲᓂᕐᓴᖏᑦ ᐃᕙᓘᔭᒃᑯᑦ ᐊᐅᓪᓚᑎᑦᓯᒍᑏᑦ ᐃᓪᓗᒥ ᐊᐅᓚᔪᖃᐅᑎᐅᑉ ᖃᕆᐊᖓᓃᓲᑦ ᐅᕝᕙᓘᓐᓃᑦ ᑲᒪᒋᔭᑦᓴᐅᓲᖑᒐᑎᒃ ᐱᓇᓱᑦᑎᐅᖏᑦᑐᓄᑦ ᑕᒪᒃᑯᓂᖓ, ᑌᒣᒻᒪᓗ ᐱᑐᓐᓂᑯᑦ ᐃᓱᐃᓗᑕᖃᕈᑦᓯ ᖃᓄᑐᐃᓐᓇᖅ ᐃᕙᓘᔭᓄᑦ ᐊᑦᑐᐊᔪᒥᒃ ᐅᖃᓕᒪᖁᓇᕐᐳᓯ  ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ ᐅᕙᓂ 1-888-Tamaani (826-2264).

 

ᑖᒃᑯᐊ ᐃᓱᒪᑖᕐᑎᓯᒍᑏᑦ ᓇᓪᓕᖏᑦ ᐃᑲᔪᕐᓂᖃᖕᖏᐸᑕ ᐱᓀᓗᑦᓯᐅᑎᓯᓐᓂᒃ ᐋᕐᕿᓱᐃᓂᒃᑯᑦ ᐅᖃᓕᒪᓗᓯ  ᑕᒫᓂᒃᑯᓂ ᓂᐅᕕᕐᑐᓂᒃ ᐱᑦᔪᔨᔨᓄᑦ: 1-888-Tamaani (826-2264).

ᐊᐅᓪᓚᑎᑦᓯᒍᑎᒥ ᓇᓗᓀᒃᑯᑌᑦ ᐊᒻᒪᓗ ᑐᑭᖏᑦ

Huawei ᐊᐅᓪᓚᑎᑦᓯᒍᑎ

ᖃᑯᕐᑕᐅᖏᓐᓇᓕᒫᕐᑐᖅ: ᓯᓛᑉᐸᖅ ᑐᑦᑕᕕᖓ ᐃᑯᒪᔪᖅ.

ᑐᖑᔪᕐᑕᐅᖏᓐᓇᓕᒫᕐᑐᖅ: Huawei ᐊᐅᓪᓚᑎᑦᓯᒍᑎ ᐊᓪᓚᑕᐅᒪᔪᖅ ᑕᒫᓂᒃᑯᓂ. ᑖᑦᓱᒥᖓ ᑕᑯᒍᑎ ᐊᐅᐸᕐᑑᐸᑦ ᐊᒻᒪᓗ ᐃᑭᑦᑕᓛᑉᐸᑦ, ᐊᐅᓪᓚᑎᑦᓯᒍᑎ ᑲᑉᐳᔮᕐᓗᒍ ᐊᒻᒪᓗ ᓱᕐᖁᐃᓗᑎᑦ ᑕᒫᓂᒃᑯᑦ ᓵᑦᑐᔮᕌᐱᖓᑕ ᑲᑉᐳᑎᓯᒪᓂᖓᓂᒃ.

ᐃᑯᒪᑦᓯᐊᑐᖅ: ᓯᓛᑉᐸᖅ ᑐᑦᑕᕕᖓ ᐱᑐᑦᓯᒪᔪᖅ ᐱᐅᒡᒍᑎᓐᓅᕕᑦ ᐅᐊᔭᖃᖕᖏᑐᑦ ᐱᑐᑦᓯᒪᐅᑎᒍᑏᑦ ᐊᑐᕐᓱᒋᑦ. ᑖᓐᓇ ᑕᑯᒍᑎ ᐃᑭᑦᑕᓛᖏᓐᓈᖑᑐᐊᕐᐸᑦ, ᐊᐅᓪᓚᑎᑦᓯᒍᑎ ᑲᑉᐳᔮᑫᓐᓇᓗᒍ ᑕᕐᓵᐲᓐᓄᑦ ᒪᕐᕉᓄᑦ ᐊᒻᒪᓗ ᐆᑦᑐᕆᐊᓪᓚᓗᑎᑦ.

ᐃᑯᒪᑦᓯᐊᑐᑦ: 1, 2 ᐅᕝᕙᓘᓐᓃᑦ 3 ᐃᑯᒪᓚᖓᔪᑦ ᒪᓕᓪᓗᓂ ᓇᓪᓕᐊᓄᑦ LAN ᑲᑉᐳᑎᕕᖓᓄᑦ ᐱᑐᑦᓯᒪᓂᓯᓐᓂᒃ.

ᐃᑭᑦᑕᓛᔪᑦ: ᖃᐅᔨᒪᒍᑏᑦ ᓅᑕᐅᒐᓱᐊᕐᑐᑦ.

Microhard ᐊᐅᓪᓚᑎᑦᓯᒍᑎ

ᑎᑭᑕᐅᓂᐅᑉ ᓲᖑᓂᖓᓂᒃ ᑕᑯᒍᑎ (RSSI) –

ᑐᓴᕈᑎᐅᑉ ᑎᑭᐅᑎᓂᖓ ᓲᖑᓯᕙᓪᓕᐊᓕᕐᒪᑦ, ᓴᐅᒥᕐᓯᐹᒥᒃ ᐱᒋᐊᕐᓱᒍ, ᐊᑐᕐᑕᐅᔪᑦ ᐃᑯᒣᑦ ᖃᑦᓯᐅᓂᖏᑦ ᐊᒥᓱᖕᖑᐸᓪᓕᐊᔪᑦ.

Tx(ᐊᐅᐸᕐᑐᖅ)/Rx(ᓄᓇᐅᔭᖅ) ᐃᑯᒣᑦ – ᑖᒃᑯᐊ Tx/Rx ᐃᑯᒪᖏᑦ ᑕᑯᑦᓴᕈᐃᔪᑦ ᐱᑦᔪᔨᒍᑎᐅᑉ (ᐅᖃᓕᒪᐅᑎᐊᐱᓐᓄᑦ) ᐊᑐᕐᑕᐅᓂᖓᓂᒃ.

GPS – ᓇᓗᓀᕐᓯᔪᖅ ᐊᑐᕈᒪᔪᖃᕈᓂ ᐃᓱᒪᒥᐅᑎᐅᑉ GPS-ᖓᑕ ᐊᑕᐅᑦᓯᑰᓕᕐᓂᖓᓂᒃ ᐊᒻᒪᓗ ᐊᑐᐃᓐᓇᐅᓕᕐᓂᖓᓂᒃ.

PWR LED- ᐃᑯᒪᐅᑎᐅᑉ ᐃᑯᒪᖓ ᓇᓗᓀᕐᓯᔪᖅ ᐃᑯᒪᐅᑎᐅᑉ ᐊᑐᕐᑕᐅᓂᖓᓂᒃ ᐱᐅᒡᒍᑎᒧᑦ. ᐃᑭᑦᑕᓛᓂᖅ ᓇᓗᓀᕐᓯᔪᖅ ᐃᖏᕐᕋᓯᕙᓪᓕᐊᓂᖓᓂᒃ.