Intro
ᐊᕐᕌᒍᐃᑦ ᖁᓕᑦ ᐊᓂᒍᕐᓯᒪᓕᕐᐳᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐱᒋᐊᕐᑎᑦᓯᓚᐅᕐᓯᒪᒻᒪᑦ ᑕᒫᓂ ᖃᕆᑕᐅᔭᓕᕆᐅᑎᒥᒃ, ᓯᕗᓪᓕᐸᐅᑦᓱᓂ ᓄᓇᕕᓕᒫᒥ ᖃᕆᑕᐅᔭᑎᒍᑦ ᐱᒍᑦᔨᔨᐅᓚᖓᑎᓪᓗᒍ ᓄᓇᕕᒻᒥ. ᑕᒪᓐᓇ ᓇᑯᕆᔭᕗᑦ, ᖃᕆᑕᐅᔭᓕᕆᓂᖅ ᑐᓴᐅᒪᑎᒍᑎᒻᒪᕆᐅᓕᕐᒪᑦ ᓴᓇᕐᕈᑎᒋᔭᐅᑦᓱᓂ ᓄᓇᕕᓕᒫᒥ ᐊᓂᕐᕋᐅᔪᓄᑦ, ᐱᓯᓇᓯᓕᓐᓄᑦ, ᐃᓕᓴᕐᕕᓐᓄᑦ ᐊᒻᒪᓗ ᑎᒥᐅᔪᓄᑦ. ᖃᕆᑕᐅᔭᐅᓪᓗ ᐊᑐᕐᑕᐅᓂᖓ ᓇᒧᑐᐃᓐᓈᕈᑕᐅᒍᓐᓇᓕᕐᓱᓂ ᐊᒻᒪᓗ ᐊᑐᕐᑕᒻᒪᕆᐊᓘᓕᕐᓱᓂ ᐱᓪᓚᕆᐅᔪᓄᑦ ᐊᒥᓱᓄᑦ ᐱᓇᓱᐊᕈᑕᐅᑦᓱᓂ ᓄᓇᓕᓐᓂ ᐃᓅᓯᕆᔭᐅᔪᓄᑦ, ᒪᑯᓄᖓ ᐋᓐᓂᐊᕕᒻᒥ ᑲᒪᒋᔭᐅᒍᑎᓄᑦ, ᓇᔫᑎᖏᒃᑲᓗᐊᕐᓱᑎᓪᓗ ᐃᓕᓴᕈᑕᐅᔪᓐᓇᓕᕐᓱᓂ, ᐃᖅᑲᑐᐃᕕᓕᕆᓂᕐᒧᓪᓗ ᐊᐅᓚᑦᓯᒍᑕᐅᖃᑦᑕᓕᕐᓱᓂ, ᓄᓇᓕᓐᓄᓪᓗ ᐱᑐᑦᓯᒪᐅᑎᖃᑎᐅᓲᖑᓕᕐᓱᓂ ᐊᒻᒪᓗ ᐃᓄᒃᑎᑐᑦ ᐅᖃᐅᓯᕐᓄᑦ ᐊᑐᕐᑕᐅᒥᐅᓕᑎᑦᓯᑦᓱᓂ ᐊᒻᒪᓗ ᐃᓄᐃᑦ ᐃᓅᓯᖏᓐᓂᒃ ᖃᐅᔨᔭᐅᒥᐅᓕᑎᑦᓯᓯᒪᓕᕐᓱᓂ ᖃᓄᐃᑦᑑᓂᖏᓐᓂᒃ