ᑕᑯᓐᓇᐅᑎᒍᑎᒃᑯᑦ ᑲᑎᒪᓃᑦ
ᑲᑎᒪᓚᐅᕆᑦᓯ ᖃᕆᑕᐅᔭᒃᑯᑦ. ᑮᓇᐅᔭᓂᒃ ᐱᐅᓕᑦᓯᓚᐅᕆᑦᓯ ᑕᒫᓂᒃᑯᑦ ᑕᑯᓐᓇᐅᑎᓄᑦ ᑲᑎᒪᐅᑎᖏᑦ ᐊᑐᕐᓗᒋᑦ.
ᓄᓇᕕᒻᒥ ᓄᓇᓖᑦ ᐃᓘᓐᓇᑎᒃ ᑕᑯᓐᓇᐅᑎᒍᑎᓄᑦ ᑲᑎᒪᐅᑎᖃᕐᖁᑦ.
ᑕᑯᓐᓇᐅᑎᒍᑎᓄᑦ ᑲᑎᒪᓂᖅ ᐱᐅᔪᒻᒪᕆᐊᓘᕗᖅ ᑎᒥᐅᔪᓄᑦ ᑐᓴᐅᒪᖏᓐᓇᕈᑕᐅᓗᓂ ᓄᓇᒥᓃᖕᖏᑐᓂᒃ ᐱᓇᓱᑦᑎᓂᒃ ᐊᒻᒪᓗᐱᐅᓕᑦᓯᒍᑕᐅᕗᖅ ᐊᑭᑐᔪᓂᒃ ᐊᐅᓪᓚᕈᑏᑦ ᐊᑭᖏᓐᓂᒃ ᑲᑎᒪᒋᐊᕐᑐᑐᓄᑦ, ᐊᐱᕐᓱᓂᒋᐊᕐᑐᑐᓄᑦ, ᐱᒋᐅᕐᓴᒋᐊᕐᑐᑐᓄᑦ ᐅᕝᕙᓘᓐᓃᑦ ᐊᓯᐊᒍᑦ ᐱᓇᓱᐊᒐᕐᒥᒃ ᑲᒪᒋᐊᕐᑐᑐᓄᑦ.
2010-ᒥᓂᒃ, ᓄᓇᕕᒻᒥ ᓄᓇᓕᓕᒫᑦ ᑕᑯᓐᓇᐅᑎᒍᑎᒃᑯᑦ ᑲᑎᒪᐅᑎᖃᓕᕐᑐᑦ, ᐱᑐᑦᓯᒪᔪᓂᒃ ᑕᒫᓂᒃᑯᑦ ᖃᕆᑕᐅᔦᑦ ᐱᑐᕝᕕᖓᓄᑦ ᐱᑦᔪᔨᒍᑎᖏᑦᑕ ᐱᑐᑦᓯᒪᐅᑎᖓᓄᑦ. ᓄᓇᓕᓐᓂ ᐊᒥᓲᓂᕐᓴᓂ, ᑖᓐᓇ ᑲᑎᒪᐅᑎ ᐃᓂᖃᕐᑎᑕᐅᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (KRG) ᐊᓪᓚᕕᖏᓐᓂ ᐅᕝᕙᓘᓐᓃᑦ ᓄᓇᓕᐅᑉ ᑲᑎᒪᕕᖓᓂ/ᐅᑭᐅᕐᑕᑐᒥ ᓄᓇᓖᑦ ᑲᑎᒪᔨᒃᑯᖏᓐᓂ.
ᑕᒐ ᑕᑯᓐᓇᐅᑎᒍᑎᓄᑦ ᑲᑎᒪᓂᖅ ᐱᕕᖃᓕᕐᑐᖅ ᐃᓚᐅᑎᓪᓗᒋᑦ ᓄᓇᓖᑦ ᐃᓘᓐᓇᖏᑦ ᓄᓇᕕᐅᑉ ᐃᓗᐊᓂ ᐅᕝᕙᓘᓐᓃᑦ ᓇᓂᑐᐃᓐᓇᓕᒫᖅ ᓯᓚᕐᔪᐊᒥ ᑕᑯᓐᓇᐅᑎᒍᑎᓄᑦ ᑲᑎᒪᐅᑎᓕᒻᒥ.
ᑕᑯᓐᓇᐅᑎᒍᑎᓄᑦ ᑲᑎᒪᓃᑦ ᐊᑐᕐᑕᐅᒍᓐᓇᑐᑦ ᐊᑯᓐᓂᒥ ᒪᕐᕈᐃᓄᑦ ᐃᓂᓄᑦ ᓇᔪᕐᑕᐅᔪᒥᒃ-ᓇᔪᕐᑕᐅᔪᒧᑦ ᑐᕃᓐᓇᑎᑐᐃᓐᓇᓗᒍ ᐅᕝᕙᓘᓐᓃᑦ ᐊᑐᕈᓐᓇᓱᑎᒃ ᐱᖓᓱᑦ ᐊᒥᓲᓂᕐᓭᓘᓐᓃᑦ ᓇᔪᕐᑕᐅᔪᑦ ᐊᑯᓐᓂᖓᓂ ᑖᒃᑯᓄᖓ ᐃᑳᖓᒍᑎ ᐊᑐᕐᓗᒍ.
ᑐᑭᓯᒋᐊᑦᓯᐊᕈᒪᒍᕕᑦ ᑕᒪᑐᒪ ᐱᑦᔪᔨᒍᑎᐅᑉ ᒥᑦᓵᓄᑦ, ᐅᕙᑦᑎᓄᑦ ᐅᖃᕐᓗᑎᑦ ᐅᕙᓂ vc@krg.ca ᐅᕝᕙᓘᓐᓃᑦ ᐅᖃᓕᒪᐅᑎᒃᑯᑦ ᐅᕙᓂ 1-888-TAMAANI (826-2264).
ᑖᑦᓱᒪ ᐊᑭᖓ ᐊᑭᓖᒍᑕᐅᔪᖅ ᐊᑕᐅᓯᕐᒥᒃ ᑫᕙᓪᓚᒍᓯᕐᒥᒃ ᐱᑦᔪᔭᐅᒍᑎᒥᒃ, ᑭᓯᐊᓂ, ᓄᓀᑦ ᐃᓚᖏᓐᓂ ᐊᑭᓖᑎᑦᓯᒍᑎᒋᐊᓪᓓᑦ ᐊᑐᕆᐊᖃᕈᓐᓇᒥᔪᑦ ᐱᑦᔪᑎᖃᕐᑎᓗᒍ ᖃᕆᐊᑉ ᐱᐅᒡᒍᑏᓪᓗ ᐊᑭᓕᕐᑐᓱᒋᑦ ᐊᑦᑕᑐᐊᖑᓂᖓᓂᒃ.