ᐅᕙᒍᑦ ᒥᑦᓵᓄᑦ
ᑕᒫᓂ ᐃᓐᑕᓂᐊᑦ - ᓴᓇᒪᔪᖅ ᐃᓘᓐᓇᓂ ᓄᓇᖓᓂ, ᐊᒻᒪᓗ ᐃᓄᖏᓐᓄᑦ ᓄᓇᕕᒻᒥ
ᑕᒫᓂ ᖃᕆᑕᐅᔦᑦ ᐱᑐᕝᕕᖓᑦ – ᐱᑐᑦᑎᓯᓂᖅ ᑳᓇᑕᐅᑉ ᐅᑭᐅᕐᑕᑐᖓᓂᒃ
ᑕᒫᓂᒃᑯᑦ ᖃᕆᑕᐅᔦᑦ ᐱᑐᕝᕕᖓᓄᑦ ᐱᑦᔪᔨᒍᑎᒋᑦ ᐱᒋᔭᐅᕗᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ.
ᑕᒫᓂ ᖃᕆᑕᐅᔦᑦ ᐱᑐᕝᕕᖓᑦ ᐸᔪᒍᑕᐅᕗᖅ ᐃᕙᓘᔭᒥᒃ ᑕᑯᓐᓇᐅᑎᓕᓐᓂᒃ ᐊᒻᒪᓗ ᐊᐅᓪᓚᑎᑦᓯᒍᑎᓄᑦ ᐱᑦᔪᔨᒍᑎᓂᒃ 14-ᓄᑦ ᐃᓛᒃᑰᑐᓄᑦ ᓄᓇᕕᒻᒥ ᓄᓇᓕᓐᓄᑦ, ᐱᖓᓱᐃᑦ ᐊᑦᔨᒌᖕᖏᑐᑦ ᓄᓇᓕᑐᙯᑦ ᓄᓇᖏᓐᓄᑦ, 150-ᓄᓪᓗ ᓄᓇᓕᓐᓂ ᖃᑭᓴᐅᑎᓄᑦ ᑎᒥᐅᔪᓄᓪᓗ ᐊᒻᒪᓗ 1,800 ᐅᖓᑖᓃᑦᑐᓄᑦ ᐃᓪᓗᒥᓂ ᐊᑐᕐᑎᓄᑦ.
ᐅᑭᐅᕐᑕᑐᒥᐅᑦ ᐃᓱᐊᕐᓈᑐᒦᓐᓂᐸᐅᒐᒥᒃ ᑐᑭᓯᒪᓂᕐᐸᐅᕗᑦ ᐅᑭᐅᕐᑕᑐᒥᒃ ᐊᒻᒪᓗ ᑌᒣᑦᓱᑕ, ᐃᖏᕐᕋᑎᑦᓯᓲᖑᕗᒍᑦ ᑕᒫᓂᒃᑯᑦ ᐱᑐᑦᓯᒪᐅᑎᕕᖓᓂᒃ ᓄᓇᕕᐅᑉ ᐃᓗᐊᓂᒃ. ᐅᑉᐱᐳᒍᑦ ᐱᓪᓗᑯᑦᑐᓕᕆᔨᑦᑕ ᐊᒻᒪᓗ ᓴᓇᔨᑦᑕ ᐱᒍᑦᔨᓯᐊᕐᓂᓴᐅᓚᖓᓂᖓᓂᒃ ᐃᓄᓐᓂᒃ ᓄᓇᕕᒻᒥᐅᓂᒃ ᐊᑐᕆᐊᖃᕐᒥᒍᑎᓪᓕ ᐱᑐᑦᓯᒪᐅᑎᕕᒻᒥᒃ ᐊᐅᓚᑕᒥᓂᒃ.
ᐱᖃᑎᒌᓐᓂᑯᑦ ᐱᓇᓱᖃᑎᖃᓲᖑᕗᒍᑦ ᑲᕙᒪᑐᖃᒃᑯᓂᒃ ᑯᐯᒃᑯᓗ ᑲᕙᒪᖓᓂᒃ ᓱᕐᖁᐃᕋᓱᑦᓱᑕ ᖃᕆᑕᐅᔭᓄᑦ ᐱᑐᕝᕕᒧᑦ ᐱᑦᔪᔨᒍᑏᑦ ᐊᑐᐃᓐᓇᐅᖏᓐᓇᓕᒫᕐᓂᖓᓂᒃ ᓄᓇᕕᒻᒥᐅᓄᑦ ᐊᒻᒪᓗ ᐅᖓᓯᑦᑐᒧᑦ ᐅᖃᓕᒪᐅᑎᒐᓓᑦ ᐱᑎᑕᐅᓂᖓᓂᒃ ᑮᓇᐅᔭᓂᒃ ᓈᒻᒪᑐᓂᒃ ᓯᕗᓂᕐᒥ ᐱᕙᓪᓕᐊᓂᑦᓴᖏᓐᓄᑦ.
ᓄᑖᑦ, ᐳᕿᐊᓐᓇᖏᑦᑐᑦ ᐊᒻᒪᓗ ᐊᑭᖏᑎᒍᑦ ᐅᓇᒻᒥᓇᕐᑐᑦ ᐱᑦᔪᔨᒍᑏᑦ
ᑲᑦᓱᙰᒍᑎᖃᕐᐳᒍᑦ ᓄᐃᑕᑦᓯᓂᕐᒥᒃ ᓄᓇᕕᐅᑉ ᐃᓄᖏᓐᓄᑦ, ᖃᑭᓴᐅᑎᖏᓐᓄᑦ ᐊᒻᒪᓗ ᑎᒥᖏᓐᓄᑦ ᓂᑲᓇᖕᖏᑐᒥᒃ ᐊᒻᒪᓗ ᐊᑭᖓᑎᒍᑦ ᐅᓇᒻᒥᓇᕐᑐᒥᒃ ᐅᖓᓯᑦᑐᒧᑦ ᐅᖄᒍᑎᑎᒍᑦ ᐱᑦᔪᔨᒍᑎᒥᒃ. ᑌᒣᒍᒪᒧᑦ, ᑌᒪᖕᖓᓕᒫᖅ ᐱᐅᓯᒋᐊᕆᓲᖑᔪᒍᑦ ᐋᕐᕿᒋᐊᕐᑎᓯᖃᑦᑕᓱᑕᓗ ᐃᖏᕐᕋᑎᑦᓯᓂᑦᑎᓂᒃ ᐊᓯᑦᔨᐸᓪᓕᐊᔪᓄᑦ ᐱᐅᓯᕐᓄᑦ ᑕᒫᓂ ᐅᑭᐅᕐᑕᑐᒥ ᓇᔪᕐᑕᑎᓐᓂ.LTE-ᖑᓂᕋᕐᑌᑦ ᐊᐅᓪᓚᑎᑦᓯᒍᑏᑦ ᐊᒻᒪᓗ ᐃᕙᓘᔭᒃᑯᑦ ᑕᑯᓐᓇᐅᑎᓖᑦ ᐆᑦᑑᑎᑦᓴᐅᕗᑦ ᐊᔪᐃᓐᓇᕈᑎᑦᑎᓄᑦ ᐃᑲᔪᕋᓱᑦᓱᑕ ᐊᓂᕐᕋᒥᓂ ᑎᒥᐅᔪᓂᓗ ᓂᐅᕕᕐᑎᑕ ᐱᔪᓐᓇᑕᓕᒫᒥᓂᒃ ᐱᓂᖓᓂᒃ ᖃᕆᑕᐅᔦᑦ ᐱᑐᕝᕕᖓᓂᒃ ᐊᑐᕐᓂᒥᒍᑦ.
ᐃᕙᓘᔭᒥᒃ ᑕᑯᓐᓇᐅᑎᓖᑦ ᒪᓂᔨᒍᑕᐅᕗᑦ ᐃᓱᖃᖕᖏᑐᓂᒃ ᐱᔪᓐᓇᓯᒍᑎᓂᒃ ᐊᑐᕈᓐᓇᑐᓂᒃ ᓯᕗᓂᑦᓴᒥ ᓄᓇᕕᒻᒥᐅᓄᑦ. ᑕᒪᓐᓇ ᐱᑦᔪᔨᒍᑎ ᐱᑕᖃᓕᕐᑐᖅ ᑰᔾᔪᐊᒥ ᐊᒻᒪᓗ ᐃᓄᒃᔪᐊᒥ, ᓄᐃᒋᐊᕕᑦᓱᓂᓗ ᓴᓪᓗᓂ, ᐊᒻᒪᓗ ᐳᕕᕐᓂᑐᒥ, ᐱᖕᖑᑎᑦᓯᒍᑕᐅᑦᓱᓂ ᓄᑖᔭᐅᓂᕐᐹᓂᒃ ᐅᓪᓗᒥ ᐱᔭᑦᓴᐅᔪᓂᒃ ᖃᕆᑕᐅᔦᑦ ᐱᑐᕝᕕᖓᓅᓕᖓᔪᓂᒃ ᓇᑉᐸᑎᕐᓯᒪᔪᓂᒃ ᓄᓇᕕᐅᑉ ᐱᒋᔭᖏᓐᓂ.
ᑕᒫᓂ ᖃᕆᑕᐅᔦᑦ ᐱᑐᕝᕕᖓᑦ ᓄᐃᑖᑎᕆᖏᓐᓇᐳᖅ ᒪᑭᑕᐅᑎᑎᒍᑦ ᐊᒻᒪᓗ ᐃᓅᖃᑎᒌᓐᓂᑯᑦ ᐱᕙᓪᓕᖁᑎᓂᒃ ᓄᓇᕕᒻᒥᐅᓄᑦ ᐊᕐᖁᑎᖃᕐᑎᓗᒋᑦ ᓄᑖᓂᒃ ᖃᑭᓴᐅᑎᒥᒃ ᐱᒋᐊᕐᑎᓯᒍᑎᑦᓴᓂᒃ, ᐊᑐᕐᑐᒪᕆᐊᓗᒻᒥᓗ ᐊᒻᒪᕈᓐᓇᓂᕐᒥᒃ ᐅᖓᓯᑖᓂᒃ ᐋᓐᓂᐊᓯᐅᕐᑎᓄᑦ ᐊᒻᒪᓗ ᐅᖓᓯᑖᓂᒃ ᐃᓕᓐᓂᐊᕈᑎᓄᑦ, ᐱᑐᒍᑕᐅᑦᓱᓂ ᖃᓄᐃᑦᑐᑐᐃᓐᓇᓄᑦ ᐃᓗᕐᖁᓯᑦᓴᔭᓄᑦ, ᑕᐅᑐᒍᓯᕐᓄᑦ ᐊᒻᒪᓗ ᐃᓅᓯᑦᓴᔭᕐᓄᑦ ᑳᓇᑕᐅᑉ ᐅᑭᐅᕐᑕᑐᖓᓂ ᓯᓚᕐᔪᐊᒧᑦ ᐊᑦᑐᐊᔪᓄᑦ.
ᐱᓇᓱᐊᒐᕗᑦ
ᐱᓇᓱᐊᒐᖃᕐᑐᒍᑦ ᐱᑎᑦᓯᓂᕐᒥᒃ ᓄᓇᕕᐅᑉ ᐃᓄᖏᓐᓂᒃ, ᖃᑭᓴᐅᑎᖏᓐᓂᒃ ᐊᒻᒪᓗ ᑎᒥᖁᑎᖏᓐᓂᒃ ᐳᕿᐊᓇᖕᖏᑐᓂᒃ ᐊᒻᒪᓗ ᑮᓇᐅᔭᕐᑎᒍᑦ ᐅᓇᒻᒥᓇᕐᑐᓂᒃ ᐱᒍᑦᔨᒍᑎᓂᒃ. ᑌᒣᓐᓂᐊᕋᑦᑕ, ᑌᒪᖕᖓᓕᒫᖅ ᐋᕐᕿᒋᐊᓪᓚᑖᑎᑦᓯᔪᒍᑦ ᐃᖏᕐᕋᑎᑦᓯᓂᑦᑎᓂᒃ ᐃᓂᓪᓚᖓᒍᑕᐅᔪᑦ ᐊᓯᑦᔨᐸᓪᓕᐊᓂᖏᓐᓄᑦ ᐅᑭᐅᕐᑕᑐᑦ ᐊᕙᑎᖏᓐᓂ. ᑕᒫᓂᒃᑯᓂ, ᑲᑦᓱᙰᒍᑎᖃᕐᐳᒍᑦ ᐃᓪᓗᒥᓂ ᐊᒻᒪᓗ ᑮᓇᐅᔭᓕᐅᕐᑎᑎᒍᑦ ᐊᑐᕐᑎᑕ ᐱᔪᓐᓇᑕᓕᒫᒥᓂᒃ ᐱᓂᖓᓂᒃ ᖃᕆᑕᐅᔭᓄᑦ ᐱᑐᕝᕕᒥᒃ ᐊᑐᕐᓂᒥᓂᒃ. ᓱᒧᑦ? ᐃᓱᒪᒐᑦᑕ ᖃᕆᑕᐅᔦᑦ ᐱᑐᕝᕕᖓ ᐊᑐᕐᓗᓂ ᑭᓯᐊᓂᐅᒋᐊᖓ ᓇᒻᒥᓂᖅ ᐃᓅᓂᕐᒥᒍᑦ ᐊᒻᒪᓗ ᑮᓇᐅᔭᖃᕐᓂᒥᒍᑦ ᐱᕙᓪᓕᐊᓂᖏᓐᓄᑦ.