FAQ

ᑕᒫᓃᒃᑯᑦ ᖁᒻᒧᐊᓯᒪᔪᒃᑰᑎᑦᓯᐅᑎᖏᑦ ᐱᑐᑦᑕᐅᑎᓖᑦ ᓇᐸᔪᕐᑕᒦᑦᑐᒥᒃ ᐊᑐᓂᑦ ᓄᓇᓕᓐᓂ ᑭᒡᒐᑐᕐᑕᕗᓐᓂ. ᑖᒃᑯᐊ ᓇᐸᔪᕐᑌᑦ ᐱᑐᑦᑕᕕᖃᕐᒥᑎᓪᓗᒋᑦ ᐃᓗᓪᓕᑐᕐᕕᓂᒃ ᐊᒻᒪᓗ ᐃᓐᑐᓂᐊᒃᑯᑦ ᑕᑯᒐᑦᓴᓂᒃ ᐊᕐᖁᑎᖃᕐᓱᑎᒃ ᖁᒻᒧᐊᑎᑕᐅᓯᒪᔪᒥᒃ. ᑕᒪᓐᓇ ᐊᓯᑦᔨᑐᕋᒐᓛᐱᑦᓯᒪᓕᕐᒥᔪᖅ ᓄᓇᓕᓐᓂ ᑖᒃᑯᓇᓂ ᓂᓚᐅᔭᑦᓴᔭᓂᒃ ᐅᐊᔭᐅᑦᓱᑎᒃ ᐊᑐᕐᐸᓕᕐᑐᓂ (Fibre) ᑖᓐᓇ ᐱᑐᑦᑎᓱᒍ ᐃᓐᑐᓂᐊᒧᑦ ᖁᒻᒧᐊᑎᑕᐅᓯᒪᔪᕐᑎᒍᕐᑐᒧᑦ.

ᑕᒫᓃᒃᑯᑎᒍᑦ ᐃᓐᑐᓂᐊᕐᑖᕈᒪᒍᕕᑦ ᐊᓂᕐᕋᓅᕕᑦ ᐱᓇᓱᕝᕕᓅᕕᓪᓘᓃᑦ, ᑐᓴᕋᓱᐊᕐᕕᖃᕆᐊᖃᕐᐳᑎᑦ ᓄᓇᓕᑦᓯᓂ ᑭᒡᒐᑐᕐᑎᕗᓐᓄᑦ. ᑕᑯᓗᒋᑦ ᑭᒡᒐᑐᕐᑎᑕ ᐊᑎᖃᐅᑎᖏᑦ. ᐅᕝᕙᓘᓐᓃᑦ ᐊᓪᓚᕕᒻᒪᕆᑦᑎᓄᑦ ᐁᓗᑎᑦ ᑰᑦᔪᐊᒥ ᐊᑎᓕᐅᕐᕕᖃᕆᐊᕐᑐᓗᑎᑦ ᐱᑖᕈᒪᐅᑎᒥᒃ ᓄᓇᓕᒻᒧᑦ ᐁᕕᓐᓄᑦ ᑎᑭᓚᐅᕐᓇᒃ.

ᑲᖓᓕᒫᖅ ᓄᑖᖅ ᑭᒡᒐᑑᑎᒃ ᐃᓛᕐᑑᑕᐅᑐᐊᕐᒪᑦ ᐱᒋᒌᕐᑕᖏᓐᓄᑦ, ᐅᕝᕙᓘᓐᓃᑦ ᑭᒡᒐᑑᑎᒥᒃ ᐊᑐᕈᒪᓂᕐᒧᑦ ᐊᑭᓕᕐᑐᐃᕕᑦᓴᖓ ᐅᒃᑯᐃᑕᐅᑐᐊᕐᒪᑦ, ᐊᑎᓕᐅᕐᕕᖃᕐᓂᒥᓄᑦ ᐊᑭᓖᒋᐊᖃᓲᒍᖕᖏᑐᑦ, ᑮᓇᐅᔭᕐᑕᓰᒋᐊᑐᕋᓂᓘᓐᓃᑦ. ᐃᓛ, ᐱᐅᒡᒍᑎᒋᔭᐅᔪᖅ ᓯᖁᒥᑐᐊᕐᒪᑦ ᑖᑦᓱᒪ ᐱᐅᒡᒍᑎᐅᑉ ᐊᑭᓕᒫᖓ ᐊᑭᓕᕋᑦᓴᓕᐊᖑᓲᖅ ᑖᑦᓱᒥᖓ ᐊᑐᕐᑐᒧᑦ, ᑕᑯᓗᒋᑦ ᐊᓪᓚᓯᒪᔪᖁᑎᕗᑦ ᐊᖏᖃᑎᒌᒍᑎᓃᑦᑐᑦ ᒪᓕᒐᑦᓴᓴᔭᖏᓪᓗ.

ᒫᓐᓇᐅᑎᓪᓗᒍ , ᓱᑲᓐᓂᖓ ᑕᒫᓃᒃᑯᑦ ᐃᓐᑐᓂᐊᖓᑕ ᑌᒫᓪᓗᐊᓭᓐᓇᖅ ᓱᑲᓐᓂᖃᕐᖃᔭᖕᖏᑐᖅ “ᖃᓪᓗᓈᑦ ᓄᓇᖓᓃᑦᑐᑎᑐᑦ” ᒫᓐᓇᓗᑐᖅ ᐊᑑᑎᓪᓚᕆᑦᑐᓄᑦ ᓄᐃᑕᑎᑕᐅᔪᓄᑦ. ᑭᒡᒐᑑᑎᕗᑦ ᖁᒻᒧᐊᑎᑕᐅᓯᒪᔪᕐᑎᒎᕐᑑᒐᓗᐊᖅ, ᑕᓐᓇᓗ ᓇᓕᑐᔪᕐᔪᐊᖑᓕᕇᒐᓗᐊᕐᓱᓂ ᐅᓐᓃᑦ, ᓱᒃᑫᑐᕐᔪᐊᖑᓲᖑᒻᒥᔪᖅ. ᓱᒃᑫᑐᕐᔪᐊᖑᓲᖑᓚᕿᔪᖅ ᐴᖑᑕᐅᔮᓗᖓ ᓄᓇᓕᑦᓯᓃᑦᑐᖅ ᖁᒻᒧᐊᑎᑦᓯᓲᒍᒻᒪᑦ ᐱᓇᓱᐊᕐᑕᐅᔪᓕᒫᓂᒃ ᑕᑉᐱᖁᖓ ᖁᒻᒧᐊᑎᑕᐅᓯᒪᔪᒧᑦ ᑕᑉᐹᓂ ᐊᓂᕐᓂᖃᕐᓇᖏᑦᑐᒦᑦᑐᒧᑦ, ᓄᑦᑎᓯᒻᒥᓱᒋᓪᓗ ᑕᒫᓃᒃᑯᑦ ᐊᐅᓚᑦᓯᕕᖓᓄᑦ Wier (ᑯᐯᒃᒦᑦᑐᒧᑦ) ᐊᐅᓪᓚᑎᒐᓱᐊᕐᑕᑎᑦ ᑲᑎᕐᓱᖃᕐᓱᒋᑦ ᑐᕐᖁᑐᕐᑕᐅᖄᕐᓱᑎᒃ ᑖᕙᓃᑦᑐᒧᑦ ᑌᒣᓕᐅᕇᑦᓴᕋᑕᕋᒥᓪᓗ ᐃᓕᓐᓄᑦ ᐅᑎᓕᑌᓐᓇᒥᑦᓱᑎᒃ ᑭᐅᑦᔪᑎᖏᑦ. ᑕᒪᓐᓇ ᐊᑯᓂᒻᒪᕆᐊᓗᒃ ᐱᓂᐊᕐᓂᐅᒋᐊᖃᓲᒍᒻᒪᑦ ᐃᓄᓐᓄᑦ “ᓱᒃᑫᑐᑦᓴᔭᐅᓗᐊᕐᑐᖅ” ᓚᔭᐅᓚᕿᓲᖅ, ᐊᓱᐃᓛᓪᓗ ᐅᐱᓐᓇᕋᓂ ᐅᑕᕐᕿᑕᐅᑫᓐᓈᐱᒋᐊᖃᓯᓲᖅ ᑭᐅᔭᐅᖕᖏᓂᕐᓂ. ᐊᑦᔨᓯᐊᖏᓐᓂᒃ ᐱᑖᕈᒪᓂᐊᕈᑦᑕ “ᖃᓪᓗᓈᑦ ᓄᓇᖓᓃᑦᑐᑦ” ᐱᐅᓯᖏᑦᑕ ᐊᑑᑎᓪᓚᕆᓕᕐᑐᑦ ᐅᖓᓕᐊᕇᑦᑎᑕᐅᑦᓯᐊᖁᓪᓗᒋᑦ, ᐅᐊᔮᓗᓐᓄᑦ ᐱᑐᑦᑕᐅᓯᒪᖃᑦᑕᕆᐊᖃᕐᑐᒍᑦ ᐅᕝᕙᓘᓐᓃᑦ ᑐᕃᓐᓇᑐᓕᐅᕐᓗᑕ ᐊᓪᓚᕕᖏᓐᓄᑦ ᓄᓇᕕᒻᒥᐅᑦ ᐱᑐᓪᓗᒋᑦ “ᖃᓪᓗᓈᑦ ᓄᓇᖓᓃᑦᑐᑦ ᐊᐅᓚᑦᓯᕕᖓᓄᑦ.”

ᐊᐊ, ᑕᒪᒋᒃ LTE  ᐊᒻᒪᓗ Fiber-ᑰᕈᑏᑦ ᐃᓚᖃᕇᓲᑦ WI-FI-ᑰᕈᑎᒥᒃ. ᐃᓗᐊᓃᒌᕐᒪᓗ ᑖᓐᓇ ᐊᕐᖁᑎᒃ, ᑕᒫᓃᒃᑰᕈᑎᒃ ᐊᑐᕐᑌᑦ ᐊᓂᕐᕋᒦᑦᑐᖅ ᐃᓱᐊᕐᓂᓴᒻᒪᕆᒃ. ᖃᓄᐃᑦᑐᑐᐃᓐᓀᑦ ᐃᓐᑐᓂᐊᑦᒥ ᑭᒡᒐᑐᕐᑕᐅᒍᑎᑉᐱᑦ ᐸᕐᓇᑕᐅᒪᓂᖏᑦᑕ ᐃᓗᓕᖏᑎᒍᑦ, ᓂᒪᕋᓗᐊᕈᕕᑦ ᓇᒧᑐᐃᓐᓇᖅ ᐃᓐᑐᓂᐊᒥᒃ ᐊᑐᓕᑐᐊᕈᕕᑦ ᓇᔪᕐᑕᓂ ᐱᒍᓐᓇᓯᐊᕐᑐᖅ.

ᑕᒪᒋᒃ LTE ᐊᒻᒪᓗ Fibre ᐃᑦᓯᕕᑦᑕᒋᒃ ᐃᓗᓪᓕᑐᕐᑕᐅᓯᒪᒻᒪᓃᒃ ᐱᑐᑦᓯᒪᐅᑎᑉᐱᑦ ᐊᑦᔨᖏᓐᓂᒃ ᐊᒻᒪᓗ WI-FI-ᑰᕈᑎᒥᒃ, ᐃᓛᕐᑐᓯᒪᒋᐊᑐᖕᖏᑑᒃ ᐊᓯᐊᓂᒃ ᐃᓚᑦᓴᔭᕆᖕᖏᑕᒥᓂᒃ. ᐱᑐᒍᓐᓇᕋᓗᐊᕐᒥᔦᑦ ᓇᒻᒥᓃᑦ ᑖᑦᓱᒧᖓ ᒍᒪᑐᐊᕈᕕᑦ, ᑭᓯᐊᓂ ᐊᓯᓂᕐᕿᐅᑎᓕᒫᑦ ᐅᐊᔦᑦ ᐱᑖᕆᔭᐅᒍᒪᓐᓂᕈᑎᒃ ᐊᑭᖓᓂᒃ ᓇᓕᑐᓂᕐᓴᐅᑫᒍᓐᓇᑐᑦ, ᑕᑯᓗᒋᑦ ᐊᓪᓚᓯᒪᔪᖁᑎᕗᑦ ᐊᖏᖃᑎᒌᒍᑎᓃᑦᑐᑦ ᒪᓕᒐᑦᓴᓴᔭᖏᓪᓗ.

ᐊᑐᕈᓐᓇᖁᑎᑦ LTE ᐃᑦᓯᕕᖓᓂᒃ ᓄᓇᕕᒻᒥᐅᑦ ᓄᓇᓕᖁᑎᓕᒫᖏᓐᓂᒃ ᑕᒫᓃᒃᑯᓂᒃ ᐃᓐᑐᓂᐊᑦᑰᕈᑎᓕᓐᓂ LTE-ᒥᒃ ᒪᓂᒪᑎᑦᓯᔪᓕᒫᓂ. Fibre ᑌᑲᓂᓪᓗᑯᒃ ᑭᓯᐊᓂ ᐃᓕᔭᐅᒪᕕᒻᒥᓂ ᐊᑐᕐᑕᐅᓲᕐᓕ ᐊᕐᕕᑕᕐᑎᑕᐅᕐᖃᔭᖕᖏᑐᖅ ᐊᐅᓚᑦᔭᖃᔭᑦᔭᖏᓐᓇᒥ ᓇᔪᕐᑕᒥᓂᑦ.

ᐅᓪᓗᒥᐅᔪᖅ LTE-ᒥᒃ ᑭᒡᒐᑑᑎᕗᑦ ᐃᖏᕐᕋᒍᓐᓇᑐᑦ ᑭᓯᐊᓂ ᓄᓇᕕᒻᒥ.

ᑭᒡᒐᑑᑎᖃᕈᓐᓇᑕᑐᐊᖃᕐᖁᒍᑦ ᐃᓗᓪᓕᑐᕐᓯᒪᑦᓱᒋᓪᓗ LTE-ᓂᒃ ᐱᓇᓲᑎᒋᔭᐅᑎᑕᕗᓐᓂᒃ ᐃᓕᑕᕐᓯᔭᐅᒍᑎᖃᕐᑎᑕᑐᐊᕆᒐᑦᑎᒋᑦ ᑖᒃᑯᑑᓗᑎᒃ ᐃᖏᕐᕋᓂᐊᕐᑎᓗᒋᑦ ᐃᓐᑐᓂᐊᑦᓕᕆᐅᑎᕗᓐᓂ. ᐅᓪᓗᒥᒧᑦ ᐱᓇᓲᑎᑦᑕ ᓯᓚᑖᒎᕐᑐᓕᒫᑦ ᐊᑐᕐᑕᐅᖏᒃᑲᓗᐊᕐᐸᑕ ᖃᓄᐃᒋᖕᖏᓂᕐᓴᕗᑦ ᐃᓕᑕᕐᓯᒪᔭᐅᑦᔭᒐᑎᓘᕐᒪᑕ ᑕᒪᒃᑯᓄᖓ ᐱᓇᓲᑎᓄᑦ.

ᐊᑭᓕᕐᑐᐃᑎᑕᐅᓚᖓᑦᔭᖏᒃᑲᓗᐊᕐᑐᑎᑦ ᐅᖓᑖᓅᕈᑎᖏᓐᓂᒃ ᑕᕐᕿᑕᒫᑦ ᐊᑐᕆᐊᓕᕕᓂᕐᐱᑦ, ᐃᑦᓯᕕᐊᐱᑉᐱᑦ ᓱᑲᓐᓂᖓ ᓱᒃᑫᓕᓚᖓᔪᖅ ᑕᕐᕿᖅ ᓈᖕᖏᓂᓕᒫᖓᓂ. ᖃᐅᔨᒪᒋᑦ: ᓂᐅᕕᕈᓐᓇᖁᑎᑦ ᐃᓛᕐᑑᑎᑦᓴᔭᖏᓐᓂᒃ ᐊᒻᒪᓯᒪᒍᓐᓇᓂᕐᐱᑦ ᑕᕐᕿᑕᒫᑦ. ᑕᒪᑐᒥᖓᓗ ᑎᑭᓭᒍᒪᒍᕕᑦ ᐅᕝᕙᓘᓐᓃᑦ ᑐᑭᓯᕚᓪᓕᕈᑎᑦᓴᓂᒃ ᑕᒪᒃᑯᓄᖓ ᐱᔪᒪᓐᓂᕈᕕᑦ, ᖃᐅᔨᒐᓱᐊᕐᕕᖃᕐᓗᑎᑦ ᐆᒥᖓ ᐅᕙᑦᑎᓄᑦ ᑐᓴᕋᓱᐊᕐᕕᖃᕐᓗᑎᑦ.

ᑲᑎᑎᕆᓯᒪᕗᒍᑦ ᐊᒥᓱᐊᓗᓐᓂᒃ ᐃᑲᔪᕐᓯᒋᐊᓪᓚᑕᐅᒍᓐᓇᕕᓐᓂᒃ ᐊᐅᓚᑕᐅᓂᖓᓄᑦ ᐊᑐᕐᑕᐅᒍᓐᓇᓂᖏᑦᑕ.

ᓲᑭᐊᖅ, ᐅᓂᑦᑕᕕᖃᖕᖏᑐᓂᒃ ᐊᑐᕈᓐᓇᓂᖅ ᐊᑐᐃᓐᓇᐅᖏᒻᒪᑦ. ᐱᓇᓲᑎᓕᒫᕗᑦ ᐃᖏᕐᕋᒍᓯᖃᕐᒪᑦ ᐴᒍᑕᐅᔮᓗᑦᑎᒎᕐᓱᑎᒃ ᓴᓇᒪᔪᓂᒃ, ᑕᒪᓐᓇᓗ ᓇᓕᑐᔪᕐᔪᐊᕌᓘᑦᓱᓂ ᐅᓂᑦᑕᐅᑎᖃᕐᑎᑕᐅᓲᓂ ᐊᑐᕐᑕᐅᒍᓐᓇᕕᖏᑦ. ᑌᒣᓕᖓᓂᑯᖓᓄᓗ, ᐃᑉᐱᒋᔭᖃᑦᓯᐊᕋᓱᐊᓲᕗᒍᑦ ᐃᓐᑐᓂᐊᒃᑰᕈᑏᑦ ᐊᑐᕐᑕᐅᓂᖏᑦ ᐊᐅᓚᑕᐅᑦᓯᐊᕋᓱᐊᑐᐃᓐᓇᒨᓲᖑᕗᑦ ᑕᒪᒃᑯᓄᖓ ᑭᒡᒐᑐᕐᑕᐅᔪᓕᒫᑦ ᐃᓱᕐᕉᑎᖃᑦᓯᐊᖁᓪᓗᒋᑦ ᐊᑦᔨᒌᑦᓯᐊᒥᓪᓗ ᐱᕕᖃᕈᓐᓇᖁᓪᓗᒋᑦ ᑕᒪᕐᒥᒃ, ᐊᒻᒪᓗ ᐃᖏᕐᕋᓯᐊᕈᑦᔭᐅᒍᓐᓇᑐᐃᓐᓇᐅᖁᓪᓗᒋᑦ ᐱᑦᓯᐊᕈᓐᓇᕕᓕᒫᖓᒍᑦ.

ᑕᓐᓇ ᑕᑯᒐᓱᐊᕋᑦᓴᖅ ᐊᑐᐃᓐᓇᐅᑎᑕᐅᕗᖅ ᖃᕆᑕᐅᔭᒃᑯᑦ ᑕᑯᒐᓱᐊᕐᕕᓴᓕᐊᕆᓯᒪᔭᑦᑎᓂ. ᑕᑯᒐᔭᕐᑐᑎᑦ ᖃᓄᐃᓪᓗᐊᓕᕐᒪᖔᑦ ᓯᕿᓂᖁᑎᐅᔭᖓᓂᒃ header and footer-ᖓᓅᕐᓗᑎᑦ ᖃᕆᑕᐅᔭᒥ ᓄᐃᑕᑎᑦᓯᕕᐅᑉ. ᐊᓯᓕᒫᖏᓐᓄᓕ ᖃᓄᐃᓪᓗᐊᑐᒥᒃ ᐊᑐᕐᓯᒪᓕᕐᒪᖔᕐᐱ ᐊᐱᕐᓲᑎᓅᓕᖓᔪᓂᒃ, ᑐᓴᕋᓱᐊᕐᕕᖃᕆᐊᖃᕐᖁᑎᑦ ᑭᒡᒐᑐᕐᑕᐅᔪᓅᓕᖓᔪᑦ ᐱᓇᓱᕝᕕᖓᓄᑦ.

ᐅᓪᓗᒥᒧᑦ ᓱᓕ ᐱᓇᓱᐊᕐᑕᕗᑦ ᑕᒪᓐᓇ ᒪᓂᒪᑎᒍᓐᓇᓯᒐᓱᐊᕐᓱᒍ ᑕᑯᒋᐊᕈᓐᓇᓯᕙᓐᓂᐊᖁᓪᓗᑎᑦ ᐊᑭᓕᕋᑦᓴᓂᒃ ᖃᕆᑕᐅᔭᑎᒍᑦ ᓄᐃᑕᑎᑕᕗᓐᓂᒃ. ᒫᓐᓇᐅᓂᖓᓂ, ᑐᓴᕋᓱᐊᕐᕕᖃᖃᑦᑕᓚᐅᑲᓐᓂᐊᑐᑎᑦ ᑭᒡᒐᑐᕐᑕᐅᔪᓅᓕᖓᔪᑦ ᐱᓇᓱᕝᕕᖓᓄᑦ ᐊᑭᓕᕋᑦᓴᓅᓕᖓᔪᓕᒫᓂᒃ ᐊᐱᕐᖁᑎᑦᓴᖃᑐᐊᕈᕕᑦ.